Tsit禮拜的生活週記，一定愛寫這擺參加大甲媽祖遶境九工的心得，因為實在傷難得，而且經驗寶貴啊!雖然講已經有心理準備，這擺參加活動，跤一定會凍袂著，毋過，真正拄著的時陣，彼種跤痛、心理肝苦和媽祖綴佇後面的壓力，實在真予人氣喘kap喘袂過來!一路上嘛拄著真濟好心的香客，每一位攏有in特別的經驗，聽著分享抑予阮這寡少年人會使學習到閣較濟物件。
佇九工內裡，會使發現信仰民俗的力量真大，沿路準備tshe-tshau的信徒、予洗身軀的車子和義工、廟內底的幹事委員，更加重要的是全程參加遶境的香客，每一位攏單純為著一個目標：為媽祖服務，一個活動至少有上萬的人參加，實在無簡單！佇遮愛感謝真濟人，媽祖予咱逐家攏平平安安！
頂頂禮拜ê連假，我佇咧拜二ê中晝就歡喜ê轉去ah，然後，佇拜三下晡，阮幾個同學約好做伙騎機車去高雄ê旗津tshit-thô，其實，這是我頭一擺挑戰騎遮爾遠ê路，頭先，媽媽佮爸爸抑袂放心予我騎遮遠，而且我閣愛載別人，毋過佇咧我一再ê向in保證我袂騎傷緊，一定會沓沓仔騎，我嘛會注意安全了後，in總算才答應。
對大甲媽轉來後，我竟然得就腸胃炎，拜一ê半暝對兩點開始每一鐘頭吐一擺，真正有夠艱苦啥物代誌攏無法度做，好佳哉本來拜二就無課愛上，倒佇眠床頂頭反來反去睏袂好，上痛苦是昧當食好食，一日到暗攏只會當食phang啉白滾水爾爾。
拜六禮拜我閣去「臺灣動物昆蟲創意展」打工，這是我最後一擺去，我閣是穿「甲蟲戰士」衫，朋友攏選擇做別項工課，獨獨我一人閣是這組，新來ê查某囡仔足袂堪熱佮辛苦，短短幾分鐘就喊痠喊苦，看in按呢我就為今仔日來tshit-thô ê囡仔面憂面結。
頂禮拜五輪到我上台報告，覺得略略仔緊張，因為老師說是上尾一擺報告的機會，雖然台語講得毋蓋標準，M̄擱我已經足認真準備啊！
這是我一擺報告了的心得我覺得<阿瑛！啊>是一篇瞭解現代社會的變遷中，tshuē台灣人的價值觀真成功的作品。
我分配到的小說期中報告是作者張聰敏先生所寫長篇小說叫做A-eng Ah(阿瑛!啊)感覺真心適，所以下面是我對這篇小說的內容簡單得紹介作者透過有成就的守寡婦人阿瑛的一生，檢驗內心價值觀的發展，有體會著傳統上「三從四德」的好女德的道德觀，按怎佇現代工商社會中脫胎換骨；嘛有真自然表達新女性主義者所注重的查某人的人生觀及幸福觀。故事中咱所讀著的是台灣的查某人對細漢鬥huān舊式的kám仔店，到大漢經營超級市場，根據台灣人經驗，佇台灣社會中間所體驗出來、所發掘出來，有符合人本性的道德觀及價值觀。
頂禮拜原底欲參加大甲媽ê活動，結果抵好抵著另外一節課ê期中分組報告，找老師參詳了後，老師抑是感覺這擺ê期中分組報告關係著其他系上同學ê權力，袂當為了阮家己ê活動影響別人，雖然聽了了後感覺誠失望，m̄閣也無加真好ê法度，只好放棄期待誠久ê大甲媽活動。
看著參加這擺大甲媽活動ê同學轉來了後足chōe想法ê款，更加予我決定下一擺ê大甲媽無論如何一定欲參加。
頂拜六我佮我的小妹去輔仁大學面試，然後去允言老師鼓勵阮去的人權博物館籌備處參訪。徛佇人權博物館籌備處內底，感覺我會使更加體會白色恐怖時代人民的驚惶佮不安。看著第一法庭內主判官的位置，敢若我就是準備欲予判刑的犯人。行出第一法庭，刻佇軍事法庭外面的「公正廉明」四字刺入我的目睭。彼四字是予我感覺真好笑，這佮白色恐怖時代的審判真正是反差足大。面會室內的電話錄音予我一種幻想，若像我就是咧佮當事人講話。
因為進前我有去參訪過綠島的人權博物館，所以遮擺參訪人權博物館籌備處予我對白色恐怖時代有更加深的認知!
