頂禮拜六、日我轉去高雄替阿母過母親節，阮禮拜六就買一个雞卵糕提前一工過母親節，這个雞卵糕我嘛出一半ê錢，因為我無準備欲送予媽媽ê禮物，所以我就講我出一半ê錢，全家伙阿做伙慶祝母親節ê彼種感覺足歡喜。因為一月日無轉去矣，所以轉去媽媽就準備一桌腥臊ê菜欲予我吃。伊嘛專工去買榴槤，所以我這擺轉去嘛食著榴槤，雖然真臭毋過真好吃。
禮拜日媽媽𤆬我轉去外媽兜看真久無看著ê阿嬤，因為阿嬤幾工前騎車無小心跋倒，所以手佮腳攏遛皮流血，好佳哉無真嚴重，毋過今年ê母親節阿嬤就袂使出去𨑨迌矣，實在真可惜。
hongtintgb 發表在 痞客邦 留言(0) 人氣()
hongtintgb 發表在 痞客邦 留言(0) 人氣()
頂禮拜阮終於回台北矣!阮阿母予我講一寡話,予我對我的人生方向又重新思考了一遍,作為一咧大學生,平常時好像都不怎麼認真上課,要佇考試的前一工遮開始做準備,這種行為實在是很不好,阮阿母問我,我後擺欲做啥米款的工作,我竟然只能說我無知影,真正是濟不應該,我已經是二十歲的人啊,我毋是一咧小孩阿,所以我一定愛予我的行為負責,嘛愛對我的未來負責,這樣才是長大的人應該做的事情,我們每一個人都愛開始思考自己後擺要走的方向,並且,為未來做打算。
hongtintgb 發表在 痞客邦 留言(0) 人氣()
最近天氣寬仔轉熱，總是感覺著咱人嘛是tè著天氣咧改變，天氣咧改變，人的心性嘛起了變化，比論來講，身軀邊有一寡好朋友，佇這咧時陣，佮做伙足久的查埔棚有來講分手。
進前有看著新聞報導咧講，有人做過幾落擺的統計，發現著比起寒人，熱天的分手率相比起來確實高出足濟。到尾報導閣有講，因為熱天咱人會感覺著偓促，所以對身軀邊的人，khah會無欲插，所以愛人之間，就會有足濟冤家的機會；若是寒天，因為天氣寒，咱人本身會愛欲走找溫暖，所以人的心就會不自覺的較親近。
hongtintgb 發表在 痞客邦 留言(0) 人氣()
頂禮拜的台灣史播放佮光州事件有關的影片，看著軍人殘酷的毆打少年人，就連過路人攏毋放過的拍死，予我看佮真驚惶，為啥物欲將人拍佮按呢，甚至有的軍人面上掛著邪惡的笑容，予人看佮心內底真毋爽快。影片猶未看完，已經知影這是一部看完了後，會心內感覺沉重的影片，嘛為影片中的人咧欲面臨的悲劇感覺毋甘。
拜日是感謝阿母的日子，逐家攏轉去厝內陪伴上親愛的阿母，古語講：「有阿母的囡仔若親像一塊珍寶。」有阿母的照顧，阮才會使健康快樂的大漢，阿爸嘛真辛苦的養育阮，予阮無憂的大漢，爸母是我一世人上感謝的人。
hongtintgb 發表在 痞客邦 留言(0) 人氣()
這禮拜是母親節，哥哥𤆬囡仔轉來厝內，兩個古錐的囡仔足歡喜講欲唱歌予我聽，happy mother's day to 姑姑/ happy mother's day to 姑姑/ happy mother's day my 姑姑 / i love you 姑姑，哈哈!我足歡喜，kah in講我嘛有份喔!每改轉去的時陣，妹妹就會kah我講，伊有來我的房間耍，𤆬小隻白兔出去耍，koh有提物件入來，莫怪我每次入去我的房間，就會看到一寡物件，予我攏霧煞煞!像我這改轉去就看著一盒米香吊著壁頂懸，妹妹就講彼是伊欲予我食!結果攏是伊叫我開予伊食
，實在是足古錐!
hongtintgb 發表在 痞客邦 留言(0) 人氣()
頂禮拜日是母親節，我拜五著先轉去台南矣，本來以為會窒車，結果嘛是照平常的時間著到矣，彼工我先去安平食電視頂報的彼間「布丁
」店，食了了後，感覺其實嘛無足好食，像平常時的布丁仝款，無啥物特別的。隔工，阿母𤆬我佮小弟去百貨公司食飯，足久無食遐飽矣，腹肚足脹的。暗時，阿母煎干貝、滷豬跤，奶奶煮龍蝦炒米粉，食甲足生臊，隔工轉去阿嬤兜的時陣，除了煎干貝、滷豬跤，阿姆擱煮鮑魚雞湯、蝦仁粿仔、海魚仔等等，足濟足濟我愛食的物件，哈哈，無想到母親節這工，擱是兩位阿母咧煮物件予阮食，毌過這著是阿母的滋味，其實佇台中的這段時間，足懷念的著是阿母煮的菜，彼是其他的煮食店所主袂出來的味。
hongtintgb 發表在 痞客邦 留言(0) 人氣()
這个禮拜天氣變做足熱，真正有熱天的感覺，除了日頭變誠大，嘛會常常雄雄落大雨猶閤有霆雷公，予我有時陣非常困擾，因為歸身軀攏會予雨淋佮澹糊糊，上可怕的是霆雷公，我足驚霆雷公!
hongtintgb 發表在 痞客邦 留言(0) 人氣()
這禮拜是母親節，我佮兩个小妹為著阿母的禮物傷腦筋誠久，毋知影阿母恰意啥貨，而且阮攏抑袂開始趁錢，會當出的錢誠有限，雖然我佮小妹攏知影，其實只要阮有心，阿母就會誠歡喜，無擱抑是誠希望會當揀到一个對阿母來講，誠實用擱真正恰意的物件。
阮阿母是一个無愛呷甜的人，所以伊也袂愛呷雞蛋糕，問伊敢有欠啥貨，伊也一直講毋免送禮物啦浪費錢。
hongtintgb 發表在 痞客邦 留言(0) 人氣()
這禮拜足無簡單我會當轉去厝裡佮規家伙仔作伙過母親節，今年ê母親節是大家族ê聚會，毋閣雨落甲足大，出去食飯真正是足無方便，但是阮每一个人攏真歡喜會當看見足久無見ê親情朋友，心內抑是真歡喜，逐家互相開講這馬攏佇咧做什麼，逐家團圓ê感覺，予阿嬤規工攏笑佮真歡喜，抑有一个神秘嘉賓忽然間出現佇飯店內面，原來是長年住佇澳門ê阿姑，特別佇母親節轉來台灣欲予阿嬤一个驚喜，我真歡喜看著阿姑，馬上予伊一个擁抱。我對媽媽嘛是充滿感恩，多謝伊總是一直包容我這个任性ê女兒，支持我做ê每一个決定。媽媽母親節快樂，我愛你。
hongtintgb 發表在 痞客邦 留言(0) 人氣()
