充實--ê大學生活
位拄高中起來讀大學嘛有一冬寡矣時間--ah，這一冬發生誠濟--ê代誌，有歡喜--ê嘛有艱苦兮，每一工--ê課程無同創造出來--ê趣味嘛無同款。
我--ê大學生活逐工攏過了足踏實擱足滿足--ê，阮班每一--ê同窗攏有家己--ê特色，有--ê講話無頭神，有--ê個性卡壓霸，有--ê溫柔體貼，嘛有--ê足活潑好玄，真正係「一樣米飼百樣儂｣，逐個儂攏是阮班--ê重要角色。
底這一冬--ê時間當中，我無若學到足濟課本頂面--ê學問，嘛學到足濟生活中--ê知識擱有做人做事--ê道理，siōng-kài重要--ê是交到足濟--ê好朋友。無擱嘛發現人性當中siōng脆弱--ê一面恰足恐怖--ê一面，親像有一寡朋友會因為足簡單--ê代誌來變面，足好--ê朋友嘛會因為一寡儂--ê生話來無講話，甚至講出足濟傷害感情--ê言語。欲冤家足簡單--ê，無擱欲和好卻是足困難--ê代誌，就算是本來足好--ê朋友嘛有可能因為誤會煞來歹看面無相借問，所以我正經感覺有誤會就愛大聲講出來，誤會透開了後互相之間嘛會擱卡珍惜這段緣份，朋友--ê感情就會越來越好。
這一年當中我擱學會了看儂，甚麼儂會使交心甚麼儂會淺淺阿交就會使--ah，這一年當中不管是學業上還是生活中我--ê成長會使講是足濟--ê。
這一年阮班同學作伙參加足濟--ê活動，親像是拉索仔比賽、合唱．．．．等等--ê團體活動，抵這--ê活動當中乎歸班擱卡團結，擱卡同心團結，老師對大家--ê教示嘛乎我有足深--ê感覺，老師對待阮會使說非常--ê頂真，有當時仔擱會關心過頭，乎儂感覺細細念足煩--ê，無擱落尾想起來，老師是正經關心阮才會這爾有耐心教示阮，一直叮嚀阮--ê生活習慣，老師若是無管阮死活嘛是會使放牛食草，為這些小所在就會使看出老師--ê用心，這嘛是我大學生活中誠重要--ê部分。想到老師惦惦底阮背後做那爾多事情，我就感覺老師實在是足偉大--ê。
讀了一冬--ê大學，亦擱有三冬--ê日子，需要好好拍拚，我一定愛擱卡骨力創作我美好--ê大學生活，我愛我--ê大學、我愛我--ê老師、我愛我--ê同窗，我愛我--ê大學生活，逐工底學校吵吵鬧鬧恰同窗答嘴鼓，是一段誠美好--ê時代，把握這嘛乎逐工攏過的誠踏實，時間底過非常--ê緊，四冬一千寡--ê日子一下就過去矣，無通等到大學結束才來後悔，歡歡喜喜把握每一工，無通因為一點點失敗就來失去信心，無通浪費時間人生未擱重來，就親像我--ê大學生活嘛未擱倒退。
留言列表
