close
今日天氣真正好 天頂烏雲攏總無 逐家做伙來chhit-thô 借問你想bē去tó 阿公想bē去公園 我煞bē去動物園 不管路途有偌遠 我攏想bē去遐耍 大象大象鼻長長 芎蕉蓬果做眠床 用鼻提起一大捲 一嘴食落無phah損 行路腳步有夠重 若是秤斤驚著人 逐隻食kàu這大欉 毋知是食幾斗甕 鱷魚鱷魚嘴闊闊 覕佇水池leh歇熱 一池水窟無足大 內面煞覕四五隻 鱷魚歲頭有夠大 會使活到百偌偌 身長尚濟十二米 食老甘會無嘴齒 台灣猴仔面紅紅 親像玫瑰赫呢紅 爬佇樹仔kā我望 按這欉跫過那欉 身體勇健是猴王 氣勢若像孫悟空 左旁正旁攏伊某 猴子猴孫滿山洞 最後看著麒麟鹿 頷頸向天伸直直 大樹頭前嘴打開 嘴舌吐出捲幾片 看伊食ka真歡喜 害我腹肚iau過肌 想著厝內飯菜開 歸桌攏是好滋味 越頭牽起阮小弟 逐家做伙鬥轉去 後擺天氣這呢好 咱閣鬥陣去chhit-thô 後擺換人選所在 每人會當選一擺 期待下回閣再來 動物閣會記椆我
全站熱搜
留言列表
