close
這擺看了大國民進行曲了後,我才知影原來舞台劇嘛會使有台語版的,予我對舞台劇有較濟的熟識,其實我對舞台劇既定的印象是親像歌劇魅影彼款的物件,我真正是無想著講會有這款貼近咱歷史的戲劇,而且是佇大舞台上,大國民進行曲予咱想著以前日本統治台灣的歷史,這个故事嘛真有可能是真正有發生過嘛無的確,看著內底的少年人,彼款對祖國充滿熱誠的精神,實在是足予人佩服,我想可能是時代的背景所造成的關係,一群人因為黃金所產生關聯,雖然最後有人死去了,不過咱看著的是追求愛的過程,這个方面來看是真成功的一个劇本,為著所愛的人,甚至付出家己的性命,是一款真偉大的情感,這个所在算是真成功的吸引女性觀眾的眼光,大國民進行曲這个舞台劇包括真濟趣味的笑點,是愛好好想遮知影,所以講這部舞台劇其實有真濟所在會使予咱好好仔想.
全站熱搜
留言列表
