close
這個禮拜,因為學校愛補課,所以這個禮拜bē使轉去厝。雖然bē使轉去厝,m̄閣我tī台中mā過了足充實leh ! 這個禮拜,每一位老師攏出足多足多的功課,予我假日bē無聊,過了真充實。m̄閣寫遐邇多的功課寫kah我強欲起siáu,好佳哉這個禮拜學校我辦演唱會,予我有喘氣、歇睏的時陣。因為知影禮拜的暗時有演唱會通看,所以這個假日我真打拼寫功課、打報告。時間過了真緊,2012年已經欲過完啊!我感覺家己tī這年,有小可進步、成長。tī這年我考到駕照,會使載歸家人出去耍;tī這年我知影什麼朋友會使交、什麼朋友對我好;tī這年我知影爸爸媽媽有偌久愛我……。2012年的這馬,我感覺我真幸福,因為我知影有人需要我,我知影有人tī關心我、愛我。最後我想欲多謝tī這年陪伴我所有的親朋好友,我愛恁。
全站熱搜