close
這禮拜我無去上拜五个課，雖然我人實際上確實是佇中山醫大內底，煞無法度去教室上課，因為我前一天暗時著開始感覺無爽快，腹肚脹脹（tiùⁿ-tiùⁿ）閣一直想欲吐，歸个人誠歹受。到欲睡个時，猶是感覺怪怪，著先食一寡胃散才去睡。
睡到半暝，煞雄雄直欲吐出來，趕緊起床走去便所，佮我个暗頓攏吐了了ah。原本想講吐了以後應該著無代誌ah，但是煞干單較好一時ah niâ，過沒偌久著閣想欲吐，連續一點鐘吐一次，實在是擋bē-tiâu ah，只好請爸爸媽媽載我去掛急診，猶袂4點我著到學校ah，量血壓、抽血、注射、吊大筒，閣無力到互人用輪椅sak去病床遐，才沓沓仔爬去眠床頂。
自半暝猶袂2點，一直艱苦到早起11點，早起時閣有吐一擺，沒法度好好仔睏、好好仔歇睏、沒法度lim水、食物件，閣吐到規身軀沒力，著按呢拖磨9點鐘，實在足悿ê。到尾仔總算較好ah，這時陣我什麼食的都無想欲愛，干單想欲叫緊呢轉去好好仔睏一醒！
全站熱搜
留言列表
