close
頂日暗時，為著答謝我ê好朋友進前佮我鬥相共，我相請伊食暗頓，順紲踅一下街，想袂到愈行人愈袂爽快，而且閣直直想欲上便所，暗飯才食到一半我規个面攏白去，朋友看著我按呢模樣實在足驚我會雄雄曲去，所以堅持欲tshuā我去病院，雖然講這是不得己ê地步，請查埔朋友載我去看泌尿科也是予我感覺足歹勢。阮行了三間病院，最後無簡單才掛著號，醫生講我是小肚急性挽脈發炎，注射提藥仔了後已經足暗矣，伊才載我轉去宿舍。這擺本來欲報答伊顛倒是人情愈欠愈深，看起來後擺阮鬥陣食飯又閣是我愛請阿，猶毋過無要緊因為我知這个朋友交了實在有影價值。
全站熱搜
留言列表
