close
上通識課──另類電影閱讀，總是會當看到足濟平常時毋捌注意過的電影，這擺看的是和戰爭有關係的《三不管地帶》，予我印象真深。
「面對屠殺時永遠無法保持中立，中立永遠幫不了戰爭中的任何一方。」這句話是聯合國維和部隊的中士發自內心回應女記者的問題，聯合國一向予人看作是中立的，毋過佇仝時陣，聯合國嘛是主權國家所組成的國際的組織，雖然佇國際安全上積極維持和平，事實上對強國的行為煞也是無法度去約束的，閣再加上常任理事國的設立，乎強權愈強大，和強國無關的利益事務更加歹去推行。
戰爭，自人類發展史上從來毋捌消失過，毀敗的力量不斷威脅著人類的生存，可能是為著革命、為著民族獨立、也可能是為著政權的轉換，毋過佇另一方面，決定發動戰爭的人煞往往不是站佇上頭前的人，也是真大的可悲。
尾後，彼个猶然躺佇跳雷頂的士兵後來按怎阿咧？佇乎人放捒了後，又閣有誰人會去關心咧？
全站熱搜
留言列表
