close
今仔日的陶藝課，阮頭一擺替家己的作品“上釉”，嘛是頭一擺體驗“拉坏”，我發現家己雖然佇手做的作品，藝術天份毋是真濟；毋過，佇這擺的拉坏當中煞感覺真神奇，因為老師講有儂干焦學拉坏著學了兩禮拜，無想到我才拄接觸著學甲誠緊，老師佮同學攏呵咾！毋過，後來機器一直跳電，所以嘛只好放棄作品，因為老師講這只是先予阮體驗爾，這擺的成果是好抑是bái攏無要緊。
拉坏除了技術、經驗真重要以外，嘛愛有完全的專注力佮耐心！而且，看起來真普通的“拉懸”“壓低”動作，竟然需要足大的氣力去做，誠是一个無簡單的學問矣。
全站熱搜
留言列表
