頂禮拜為著欲做報告的關係，予我更加深入了解、識似陳明仁先生。陳明仁先生，是一位多產、多能的劇作家、詩人、小說家、散文、台語專家、社會運動家。伊所的創作lóng是社會的寫實，爾且lóng用批判的角度kap理念融合的方式來呈現台灣人的人情世事，點出台灣人的精神，這kap現此時其他干焦會曉迎合觀眾的作家完全無 kāng-khuán，有伊個人對理念的堅持、土地的特別情感 kap 文學的獨特風格。每一个作品 lóng tī 描寫基層人物的生活樣貌，底咧文字當中透顯出深沉的生活哲理、歷史記憶、土地認同、kap台灣人的生活樣貌。
我嘛是因為這擺做報告揣資料才發現這馬老師發予阮的<台文bong報>，嘛是伊主編出版的，上予我佩服的是，原來細漢的時陣捌看過台語版的叮噹貓、日本宮崎駿先生的電影台語版，攏是陳明仁先生翻譯的，翻譯甲足媠，嘛會當透過這款方式推動台語的母語教育，予台灣囡仔聽有台語、佮意台語。
全站熱搜
留言列表
