close
這馬的天氣實在有夠熱，一透早日頭就焰佩佩，實在予人受不了，有一工的課只有到中晝，彼當陣欲騎車倒去厝實在真艱苦，足討厭佇這種天氣去上課，真正感覺雄欲死去！
親像昨昏咧走八百仝款，日頭大到我猶袂走就已經感覺雄欲昏去矣！干焦徛佇日頭下跤就已經欲著痧！真驚家己走了會吐吐出來，好佳哉真順利走了，我嘛無吐出來，顛倒成績嘛有淡薄仔進步！予我足歡喜的！除了體育課上輕鬆以外，我感覺其他的課攏有一堆作業報告要交，感覺有淡薄仔壓力，無親像體育課較輕鬆，雖然下一擺要分組比賽，毋知會佮誰一組，毋過希望比賽會當佮熟識的做伙一組，嘛希望比賽會當順順利利！
全站熱搜
留言列表
