close
昨昏我佮同學做伙去嘉義tshit-thô,
因為今仔日是五日節,逐家攏免上課,
所以阮就決定欲佇嘉義蹛一ê暗瞑閣轉來台中.
因為感覺生活有小可仔無趣味,
所以阮決定欲騎機車去嘉義!
這只是因為想欲看覓仔到底嘉義是有若遠.
對地圖看來,差不多是九十公里,
然後阮ê機車已經是十四年ê車矣,
所以出發進前,我有小可仔擔心,
毋過這台車無予我失望,伊走甲真緊.
差不多三點鐘就到民雄矣.
阮一路走ê是中彰快速道路佮台一線,
中彰快速道路對山跤走到山頂,
閣對山頂到山跤,高度ê變化有較大,
猶毋過風景實在有夠媠,有淡薄仔雺.
下來了後就騎台一線,到了員林以後落大雨,
阮就到7-11買飲料來啉.
後來繼續騎,一直騎著西螺大橋,天氣攏足好!
台一線ê邊仔攏是田.
三點鐘以後阮就到民雄矣,
民雄誠熱,嘛無像台中仝款一直落雨.
我希望以後閣會當騎機車出來耍.
全站熱搜
留言列表
