close
禮拜我ê學長邀阮去呷好料，順便扣膦柝，伊已經畢業啊，這má leh 做兵，因為伊有申請替代役免去互操，m̄-koh hit 梯申請ê人傷過chē，有六萬人，其中有醫學背景mā誠chē，所以伊不是去醫院，是去新竹ê一所警察局服務。
阮去品田牧場呷晚頓，這是我第一介來這間餐廳呷，誠新鮮。我點一客ê咖哩豬排，其中我尚感覺好呷ê是高麗菜絲，搭配特別ê醬，實在紲嘴，不過尚重要ê是我kah學長學姊開講講甲時間那不夠，學長一直回憶過去上課ê情形，益有偷偷姦撟幾個老師，講一寡老師無啥gâu教冊，互學生定定啄龜，趣味趣味!
呷飽了後，服務小姐幫阮翕這張珍貴ê相片，學長出bē一半ê錢，擱虧伊家己這má 一個月干單賺6000 khò，愛等真正做牙醫ê時陣kah會使請全部，有夠古錐!
全站熱搜
留言列表
