這禮拜無發生啥物特別的代誌,毋過因為愛選課,昨暝逐家是真激動,好佳哉我攏有選著我想欲選的課,閣有真濟熟似的同學嘛有選著,我有同伴真歡喜。
最近咧欲期尾矣,誠濟代誌是一直瀳倚來,逐家攏真無閒。看著同學做伙拍拚就感覺較心安,至少有人會使請教。另外嘛真恭喜咱班幾若個同學考著師資培育學程。
這禮拜無發生啥物特別的代誌,毋過因為愛選課,昨暝逐家是真激動,好佳哉我攏有選著我想欲選的課,閣有真濟熟似的同學嘛有選著,我有同伴真歡喜。
最近咧欲期尾矣,誠濟代誌是一直瀳倚來,逐家攏真無閒。看著同學做伙拍拚就感覺較心安,至少有人會使請教。另外嘛真恭喜咱班幾若個同學考著師資培育學程。
今仔日暗時是最後一擺ê國文演講,是邀請對台大來ê兩位學生,in ê年紀佮我袂差真濟,所以我會當閣較了解in想欲講ê想法,in這擺是和阮分享關於「社會企業」,伊是表示如何用企業來幫助世界上真正需要幫助ê人,其實in利用去環境較差ê國家ê方式來了解社會企業背後真正ê意義,是一件真冒險ê代誌,猶毋過in認為「有一寡代誌這馬袂做,一世人攏袂做阿。」所以in最後決定一定愛出去行行看看,無論拄著啥物困難,in攏愛想辦法去解決,毋是共問題放一邊,假做無看著,in ê精神予我真敬佩,若換作是我,講不定根本就袂有這呢偉大ê夢想佮想欲去實現伊ê勇氣。
6/2彼工我佮傳燈社的同學做伙去咱學校附近的一間「兒童之家」服務佮學習。阮tshuā的活動的主題是「勇敢」,我發現囡仔攏足古錐,in講in會驚的物件毋是獅就是虎,遮的動物攏是定定出現佇童話故事內面,in真正予童話故事影響足深。我問in假使若拄著恐怖的物件欲按怎,囡仔講:「揣哥哥佮姊姊。」啊!in實在真天真閣古錐。
6/6今仔日我感覺真無爽快,敢若是著痧的款,頭足楞,強欲昏倒,本底計劃欲讀的冊一字攏無看著,真正是浪費足濟時間,愛緊趕進度才會使。暗時去聽台大的學生演講,我真佩服in足清楚家己想欲做的代誌,而且就算拄著困難嘛動腦筋去解決,袂輕易放棄。In的演講我感覺真好,予我反省真濟代誌,假使咱做代誌若一直想「若是失敗欲按怎?」按呢啥物攏免做矣,只有相信家己,咱遮有法度勇敢向前行。
6/4禮拜二,對我無什麼意義,但對大四ê學長姊,卻是意義非凡,今晚是in送舊晚會,大學念了四年tsit學期過了後,就是in起飛ê日子,看tio̍h一段一段ê表演,學長姊有笑聲,有目屎,我想tio̍h,我mā只tshun兩年,應該koh-khah beh好好á把握,創造koh-khah chē ê回憶,tī兩年了後ê tsit-ê時陣,會當看tio̍h當初ê自己,發出歡笑聲,留下叫做不捨ê目屎,tshun落來兩年,完成畢業門檻,好好á講台語,koh-khah充實家己,是現在ê目標,我beh踏出去ē-tàng對人講我是台語系畢業ê。
阮ê成果發表會總算佇這咧禮拜日結束了,一切ê辛苦攏佇這咧禮拜得到回報,看著按呢濟家長、學長、學姐、同學願意來看阮表演,我實在真歡喜,雖然我佇表演時有出現失誤,有點寡對家己失望,毋過看著大二、大三ê學長學姐,表演真完美,逐家攏得到真大ê成就感,老師嘛誇獎阮ê表演,這擺ê成果發表會佇拄開始是予反對,逐家一直堅持到這嘛,辛苦練習,花費所有ê時間佇頂面,最後得到ê成果是完美ê,佇團內逐家ê感情嘛閣較好矣。
青春記事11
佇這禮拜有一件全系投入ê大代誌就是送舊,阮大家為著這件代誌練習誠濟擺,就是全心全意為著學長、學姊會當看了歡喜,阮費了誠濟心思佇練舞頂懸,佇最後ê總驗內底,我想阮真正是表演了真好,佇送舊遐工阮嘛提出家己ê實力去表演,得到真濟ê搏仔聲,阮心肝內嘛真歡喜會當提供一寡好ê表演。