Hongtin Tsok-gia̍p bāng

頂禮拜日下晡ê時，我佮媽媽同齊去看電影，阮看ê電影是總鋪師，相信這齣電影已經足濟人看過啊! 罕得媽媽有時間歇睏，我才有機會會使和媽媽做伙看這齣真趣味閣好笑ê電影。電影內容大概是佇咧講女主角小婉對煮食有天分，老爸閣是真出名ê總鋪師，毋過，伊自細漢閣驚油煙、魚仔，完全無愛入廚房，甘想欲化妝做模特，後來，伊遇著一寡人，改變了伊ê人生，若毋是伊遇著ê遐的人、遐的代誌，伊嘛袂變成一个愛媠閣會曉做料理ê查某總鋪師。

最近，因為打工的關係，逐工攏誠無閒，攏感覺時間無夠用，愛做的作業閣真濟，煞袂記得寫我的第二篇青春記事，到今仔日才發現。雖然，打工會使趁寡生活費，毋過一个人做兩个工課，閣是上晚班上甲足晚，假日嘛無歇睏，煞因為按呢來影響到我的課業佮睏眠，定定我攏感覺睏無飽，上課有時陣閣會盹龜。這馬，我才知影，父母趁錢無快活，父母的辛苦，我是看袂到的，等到我去揣頭路，上班了後，才會使體會，為著我的身體設想，所以共一个工課辭掉啊，才袂像人講的，為著趁錢連健康丟無啊。

   這禮拜，我kap我女朋友逗陣去看in學校ê服裝展。Gún卡早到hia，所以等卡久，不過 mā-sī因為án-ne才會使ū 位ē-tàng坐。

(一)

    這禮拜有小可仔鬱卒，一寡理想中會當達成ê代誌顛倒去tiân-tio̍h，偏偏koh袂使怪人，真正是「啞巴硩死囝」! 誠想欲好好阿睏三暝三日攏莫管世事，毋過這是現實無允准ê。佇這个社會，就是有誠濟「有喙講別人，無喙講家己」ê人，若是逐句話攏欲kì-tiâu- tiâu，絕對會使家己無快樂，若準看較開--ê，凡勢就會無代誌矣!

有關於12年國教母語課程是毋是納入必選課一事，有人持反對意見，我感覺真痛心。

現在足濟人完全袂記得家己是”台灣人”，kui工攏tī láu英文，外語能力實在重要無錯，

今仔日我要轉去台北一迣，因為我明仔載沒課，而且後擺轉去，可能是十一月了，所以就轉去看看阿爸阿母，順紲提物件，轉去前，kah朋友食飯，今仔日朋友心情m̄好，所以我只好一直講趣味ê話，希望伊心情會使變好，但是假若無路用，我只好食我ê飯，轉去前，我khì買薰，想bē到，伊竟然beh提去食，害我驚到，趕緊阻止，看起來，伊最近心情有夠差。

回到台北，阿母煮牛肉麵給我吃，真久沒吃阿母煮ê物件，我誠感動，隔日我tī台北閒閒無代誌，暗時beh轉去台中，接落來是期中考，希望考煞，我人會當是完整的。

頂禮拜六，系上辦第八屆ê研討會－「文學中ê台中人情」，這擺我不但是參加者，嘛是工作人員，研討會進前就愛準備足濟物件，親像來賓抑是工作人員ê名牌，益閣有chhôan桌仔kap椅仔，前一工閣愛佈置會場，足濟ê事先準備，攏是為著beh hō͘人一個完美ê研討會。

因為東北季風增強ê關係這星期台中突然變做足冷,

長袖ê衣服都無帶下來,只有一件較厚ê外套,實在感覺有點不適應。

十月十九日研討會結束了後佮朋友做伙去食飯，食飽了後去kiú-thinn看夜景，今仔日心情夭壽好， jî-chhiáⁿ真歡喜這禮拜in lóng拄好無轉去，我想已經真久無佮逐家做伙出來耍a！講實在歸工ê hîng-tîng是真忝、真愛睏，但是毋知影是按怎彼日suâ真歡喜，到位ê時逐家做伙看夜景，這是我頭擺去kiú-thinn ê時是好天，天頂無雲，星滿天，看著hiah-ni-chē ê星就想欲來找天頂ê  chheⁿ-chō，tī chia中間朋友介紹一個軟體叫天頂地圖，伊會使對著天頂ê方位找出當時天頂ê星佮 chheⁿ-chō，m̄免閣自己上網路找當月ê chheⁿ-chō圖家己慢慢比對，彼工我看著獵戶座、蛇夫座佮我ê星牡羊座，真正是一個真充實ê一工。

自然生態寫作選讀ê功課，是beh阮觀察台灣欒樹，頂禮拜我去看的時節，樹頂iáu有粉紅偏黃的蒴果，蒴果tshin-tshiūnn kóo-á-ting，在樹上隨風翩飛，有淡薄仔像櫻花般燦爛，將in剝開，pak-tóo內是一粒粒的果實，liàm碎了後，會有乳白色的汁液。

今仔日，我iū-koh去觀察伊，伊的蒴果í-king變作淡黃色了，摸起來 kuann- kuann，大概teh-beh凋落了，毋過也有新芽悄悄的出頭了，再衰敗的kha-tsiah-āu也有復甦的一面，雖然看起來很漂亮，毋過這樹開在柳川pinn--á，路上定定有許多車輛往來，所以也不能久留。

頂禮拜，上廖老師ê台灣文學史，老師講beh用分組報告ê方式上課，á咱這組籤運真好，抽到了第一組，所以chit-ê禮拜lóng tī無閒報告ê tāi-chì，到了今á日上ê時陣，老師就一直講課，講到teh要下課chiah想tio̍h，有一組beh報告，但是時間來不及，真是thiám人。 

了後咱這組就tī討論，下禮拜beh怎樣報告ê khah精采，因為多了一禮拜ê時間，我感覺咱ē-tàng準備得koh-khah充實，講tio̍h最後阮四個人ê腹肚lóng餓了，就決定同齊去食晚餐，就án-ne度過了驚險koh悠閒ê一工。

10/19禮拜六，阮中山醫大台文系舉辦台語研討會-文學中的台中人情，這擺我做接待kap總務兩組組長，以系學會的人落去鬥相助，彼工透早7點到學校準備，開始時，有出淡薄仔狀況，我脾氣有點抬起來、緊愛kap代誌做好之下，下面的組員有ho我掃風颱尾，實在對in真拍謝。

後來代誌應變好，攏有順利進行，我心情也放心，老師你彼工有來學校kap阮其他社團進行參觀訪問，之前就有聽講阮kap中較大愛欲社團合作，這sī一件好的代誌。

天氣漸漸變寒—ah，樹頂遐的徛黃—ê樹葉，宣告--tio̍h秋天已經來報到—loh。四季當中，秋天是guá尚佮意—ê季節。伊是浪漫—ê、定著—ê、溫柔—ê。伊ê光，毋親像熱天時，遐爾—á  hannh，顛倒予人一種溫暖—ê感覺，伊ê  風，mā毋親像寒天彼時遮爾仔冷，秋天ê風吹起來是足爽快—ê。

這禮拜天我hām朋友暗時ê時陣去踅夜市，因為拄好是吃暗頓ê時陣所以真濟人，去遐kheh來kheh去，一段路行欲五分鐘，夜市內底有吃擱有sńg，我hām朋友點無仝ê mi̍h-kiānn 來吃，伊吃牛排我吃蚵仔煎按呢阮兩種攏會當吃到，吃飽行行咧決定去sńg 射雞胿，真幸運我射到一隻尪仔是一隻動物，喙焦ê食陣嘛毋免煩惱因為四界攏有人咧賣飲料，所以我凊彩揀一擔，點一杯青草茶來lim，青草茶淡薄苦苦毋過最後煞ê回甘，真的袂䆀lim，欲轉去ê時陣順紲紮一寡四秀仔轉去，夜市真的是一個足趣味ê所在。

這禮拜天我佮同學同齊去考客語檢定，拄到考場的時陣，看到來參加考試的人攏是小朋友，本底心中有淡薄仔緊張，馬上就輕鬆一半。等到考試的鈴仔響起來，逐家攏坐好以後，老師開始講考試的規定。這馬這個時代實在是有夠進步，連考口試嘛是用電腦錄音，實在是真好玩閣趣味。考試正式開始的時陣，我才發現電腦講得太緊，我的大腦袂赴反應，有好幾題聽無它在講啥，後來的看圖講話，嘛是有淡薄仔霧煞煞。考完回來以後，我去查通過考試愛幾分，總分ㄧ百愛七十分才會當通過，讓我覺得無啥物希望啊，只好明年讀好冊閣來考一擺。

頂個假日佇大葉大學讀冊ê小妹來甲台中佮我做伙享受這美好ê假期，小妹頭一擺從鄉村美濃離開來甲外縣市讀大學，所以伊比我閣較歹適應這親像細ê社會仝款ê大學生活，到矣假日伊其他蹛做伙ê朋友攏轉去，逐擺到假日發生這款狀況時陣，我攏會較伊起來佮我鬥陣享受台中ê美食、台中ê夜市、台中ê一中商圈，我欲小妹就算到異鄉讀冊嘛袂曉感覺孤單一ê人，我佮小妹感情真好，會當做伙去踅街、做伙食台中夜市ê美食、做伙暗時欲睏進前ê談心事ê分享時間，佮小妹做伙ê時光真幸福嘛真快樂，咱享受仝款ê青春時光。

遮禮拜三下晡上完客語讀寫課 ê 時，騎車欲轉去宿舍ê過程中，tú著一個袂曉騎車ê白目，就tī等紅燈準備欲停入去機車格ê時陣，彼ê白目siâu雄雄插入來，hiam má對我ê車攕過，一時間修養不夠好，就隨轉頭ka伊chhò，事後覺得真後悔，反省家己以後若閣拄著這款代誌 m̄ 通遐爾衝磅，若無發生啥物意外就準拄煞，愛修養家己，a 無若拄著車頂有chah家私 ê人我看我就no su̍t，等le叫救護車。所以我反省家己第一愛休養家己，第二 m̄  通閣再遐爾衝磅，和氣生財mâ !

今仔日早起，tī我tú睏精神ê時陣，接著chi̍t通電話，是一位真久無見面ê朋友khà ê。伊問我今仔日beh做夥出去走走bò？因為我今仔日嘛無捨mi̍h代誌，所以著答應ah。雖然久久chi̍t-tōaⁿ時間攏會互通一寡生活上ê雜碎代，毋過已經真久攏無出來見面ah，若是我無記m̄著，假那自從國中畢業了後，著無閣做夥耍過ah。

        這禮拜六三點外我坐火車去台中火車站，然後坐公車去科博館散步，行無偌久，我tī一個參觀ê門口影著一個穿甲真正式ê工作人員，感覺這ê人有淡薄面熟，所以我一方面臆伊到底叫啥名?益閣有在何時認識?一方面行去伊面前看伊ê名牌，原來伊是我國小ê同學啊!赫呢久無聯絡啊!差點認bē出來，時間實在過kah真緊!