Hongtin Tsok-gia̍p bāng

        今仔日是特別的日子，恐驚對別人來講無啥感覺到，m̄-koh 我有注意tò，a你/妳、她/他、阮/咱，ū lâng 知影mah ?

   就是，遮學期siāng-lō͘-bóe一擺交青春記事呀，心內有淡薄仔 ê siūⁿ-hoat，tùi 心內tsáu--khì 頭殼內底， îⁿ-long-se̍h。

這禮拜感覺tāi-chì真chē，tāi-chì多但是不感覺thiám反tńg感覺充實。禮拜二ê時chūn系上辦了冬至搓湯圓kap交換禮物ê活動，系上bē少人去參加，m̄知影原來學長iáu偷偷用了真心話大冒險ê活動，弄得全場哈哈大笑，真正sńg得真開心，湯圓mā搓得真成功，我iáu搓了骰子湯圓oh！
禮拜四ê時chūn，我kap同學去逛書局，本來是想beh買另外一個同學ê禮物，結果lóng iáu無選好就先買阮家己想beh ê物件，然後阮買了仝款ê杯子kap卡片，beh互相送hō͘對方，真正真好笑，ē-sái講是真甘心！

tse是允言老師ê多媒體台文報告  心得

Dropbox公司的線頂存取服務，透過線頂的資料庫存取， kā網路頂頭的檔案做夥存起來，方便閣好用的線頂資料軟體。

    這禮拜實在是有夠無閒！有四个報告kap一个考試，我那親像干樂仝款，踅甲頭眩目暗！猶毋過這本來就是學生--á的本份，所以愛認真完成才著。若是我較早準備，就袂遐爾趕矣，雖然老師講報告了袂䆀，毋過我家己知影猶有足濟所在愛閣較拍拼，若無嘛是會不幸！所以，對這馬開始繼續奮鬥落去，雖然天氣變化予我身體無爽快，總該做的嘛是愛完成。

　　拜二的時陣，阮系上舉辦耶誕節日交換禮物kap挲圓仔的活動，彼工有誠濟好耍的代誌發生，就是每一个人欲抽禮物進前，愛先抽題目，完成了後才會當抽禮物！誠感謝彼工有遐濟人來參加阮系學會的活動，予阮有力量繼續辦後一擺的活動，一場好ê暗會，其實代先系學會內底的人攏誠骨力咧籌備，逐家攏犧牲家己的時間，討論暗會的內容、場所的布置…等等的代誌。會使講，阮攏是螺絲，愛團結才會有效率。

今á日是最後一篇了，有點á開心有點á失落。

雖然免寫作業了，不過代表寒假來到，beh和好朋友暫時分開，有一點點難過。

　　12月22號是冬節。是臺灣ê傳統節日，佇這天ê習俗是beh食冬節圓，會使遠離無好ê運氣。以前每年ê寒天，阮阿母mā 攏會佇這天煮圓仔hō͘我食，但是阮今年因為攏 tòa-tī外面，所以就無機會食到阿母煮ê圓仔，所以咱遮的無轉去厝裡ê人，就作伙食圓仔、phah麻雀（muâ-tshiok），同齊度過一世人只有一擺 ê大學二年冬節。阮大家買了真chē圓仔。有大顆包料ê圓仔，mā有傳統小顆ê秫米圓仔。因為天氣誠冷，阮mā放了一kóa薑片，食起來實在是非常ê溫暖。特別ê是有同學tùi厝裡帶麻雀來，大家同齊食圓仔、phah麻雀，過了一個非常歡喜ê冬節。

進前kah朋友鬥顧狗，伊的名叫四秀仔，足古錐的一隻狗hit工暗時我teh看冊，因為隔日beh考台語期中考，本想講無影響，可能是媽媽無佇的關係，伊一直teh叫，kā伊關佇便所mā無用，害我無法度認真讀冊，所以我只好chhōe別人替我照顧，chhōe了真chē人，逐家攏想欲佮狗耍，真正beh照顧無幾個，後來佇學長的好心之下，我總算會當認真讀冊阿，那晚學長mā kā所有的時間攏花tī四秀仔身上，聽講四秀仔有放尿予學長麻煩，嘛有黑白咬物件，學長我真正對不起你ah。

禮拜日因為是冬至不過我無轉去嘉義，不過想欲食湯圓。所以最後朋友講beh去另外一個朋友

ê厝煮湯圓來食就án-ne我買3盒湯圓去別人ê厝煮，燒熱燒熱ê湯圓配上一點點ê薑味ê湯有夠溫暖

     俗語說：危機就是轉機，但是拄到塌磕（thap-kha̍p）也是碰壁不知變通應當要愛歇一下，轉一le彎，凡勢全然無仝(kâng)，甚至有閣較好的結果，聖經內底有記載：<賽 43:19> 看阿，我要作一件新事；如今欲發現，恁敢毋知麼？我必在曠野開道路，佇沙漠開江河。凡事攏有轉勢的機會，當上帝關起一扇門，必會再為你phah開另外一扇窗。

      不時攏會去拄倒不如意的代誌，毋過聽這句話了後，心理態度漸漸變化，往另外一个方面去想去做，不一定較好，尚起碼有去失敗過、改變過，至使人生的無仝。

       這個月ê報告有夠濟，記事本一打開全部滿滿行程，一看著就腳軟手軟，完全攏無想欲作ê動力，毋過若攏無去做，就永遠無任何ê進步；後學期開始愛會曉想，愛認份，一枝草

     禮拜中晝我去一間香港燒肉店呷飯，彼時店內人客誠 chē，生理有夠好，好佳在擱有一位互我坐，m̄-koh我心想be緊呷好緊走，因為實在尚kheh，誠無爽快。

    我呷kah be了ê時看到頭前有一桌有一對母仔囝，突然彼ê gín仔轉頭向我看，我以前就愛弄gín仔，所以這擺我仝款把握機會，一直扒虎貓互伊看，伊真緊tio̍h對我笑，這時，坐ti我邊仔ê人舉頭為伊看去，可能感覺伊古錐，má對伊笑，完全m̄知伊是我弄kah笑e，等到一對母仔囝beh離開ê時，gín竟然對我隔壁ê人拽手講再見，不過  bô插我，我本來誠受氣，但是想想e實在趣味，我ê一介表情ē-tàng互其他兩人有這款互動，對我來講，是足美妙ê經驗。

頂禮拜無知影食到啥物無清氣的物件，半暝腹肚痛得欲死，毋過無想欲吐嘛無落屎，所以無去看醫生。這禮拜忍不住走去看醫生，醫生講是腸胃炎，我才知影原來猶有無曉落屎的腸胃炎。了後拜二系上有舉辦搓圓仔佮交換禮物的活動，雖然腹肚也是有淡薄仔痛，不過我猶是仝款食圓仔，橫直厝裡猶有藥啊會當食。到交換禮物的時陣，愛先抽籤決定做一段表演才會使抽禮物，我抽到的是半蹲反白睚佮罵台語的垃圾話，彼時陣我做完家己攏感覺真好笑，會當想出這款題目的人真正是有夠厲害。

12月25日，是西洋ê聖誕節，雖然台灣無像國外會下雪，不過寒冷ê天氣hō͘我無想袂出門，kan-ta想袂 tiàm 佇厝裡。其實mā無心情慶祝，因為續落來有期末考，kap真多份報告愛交出，就算想袂慶祝，心裡嘛會一直掛記著，根本無法度專心，乾脆認真準備考試。
這周系上嘛辦了小型ê聖誕晚會，kap元宵活動同齊結合，真驚無煮熟了會làu-屎，結果煮到最後有點á爛爛ê，不過真好sńg；了後面大家交換禮物，有歡笑、趣味，禮物ê價值m̄是重點，是家己ê心意，看著所有人sńg ê快樂，我mā真快樂。

       禮拜二系上舉辦活動，是so-înn-a hām交換聖誕禮物。

so-înn-a的時陣，看著逐家做出來的攏無仝，有米奇圖形的、

頂禮拜我kap小妹做伙轉去咱ê厝鄉高雄美濃，因為頂禮拜是大家beh同齊團圓轉去厝裡ê大好ê節日，所以我kap小妹約好做伙轉去團圓過一個好冬到，現在阮家種植盛產ê柑á蜜真毋閒，阿爸kap阿母koh iáu-beh特別來高雄左營高鐵hit-pêng接咱，因為chit-ê原因我chiah會和小妹約好做伙轉去，Án-ne阿爸就毋免koh再走一chōa高雄左營án-ne遠ê所在，阿爸阿母真歡喜咱兩個做伙轉去，阿公阿嬤mā真歡喜咱ē-tàng轉去做伙kap in同齊過冬到，轉去了後，阿母會準備真多咱愛食ê物件，阿母hit一pái炒咱siōng愛食ê客家粄條給咱食，實在是夠幸福，因為阿母炒ê板條是siōng好食ê，轉去第二工暗時，阿嬤準備鹹ê圓仔beh給咱食，阿母mā準備ài給咱補身軀ê薑母鴨，轉去實在感覺家己是chit-ê世間siōng幸福ê人，第三工早起，阿嬤準備甜ê圓仔beh給我食，因為我無愛食鹹ê圓仔，所以阿嬤就準備我愛食ê甜圓仔，轉去家己ê厝，Hit種幸福ê感覺是一工兩工講不完。

這禮拜四學校舉辦聖誕舞會，因為我舊年mā有參加，所以想講chit-pái koh來看看，今年比舊年冷，來參加ê女生反tńg穿kah比舊年少，m̄是露美背就是小露香肩，真正佩服，今年ê聖誕樹kap邊á ê禮物lóng佈置得bē-bái，今年iáu有設置關卡遊戲，m̄-nā只是跳舞，hō͘真chē tú配對ê單身男女有koh-khah chē交流ê機會，俗話講得好，大學必修學分bōe-sái無愛情mā！今年ê主持人是長髮帥哥，ＤＪ是長腿美女，根本嗨翻全場，個人是為tio̍h時數kap食物去參加ê，雖然時數已經不缺，不過來sńg sńg mā好。總結chit-pái ê舞會辦得非常成功，比較舊年是khah優秀ê哦！

頂禮拜三無課，我到淡江大學聽研究所的說明會，一陣子無坐過捷運阿，因為有機車了後，就真少坐捷運，看到外面的風景，聽著音樂，真緊tioh到淡水阿，淡水實在有夠冷，我真懷念台中的日頭，續落來我tioh到淡江大學阿，這才是真正的大學阿，中山醫ê校園實在是傷譀阿，了後我在學校seh了足大輦，總算chhōe著我欲去的所在，坐tī教室內面，心情有夠緊張，連便當攏食袂落去，佳哉教授攏是好人，學長姐人嘛真好，按呢看起來我愛閣較認真讀冊。考研究所無簡單，而且考出來ê題目佮大學學的無仝，愛開閣khah濟時間拍拚，希望後年我會當是真正的淡江大學的研究生。

閣兩禮拜今年就欲結束，但是遮兩禮拜正經足無閒。

總共有四个活動、四个報告佮三个期末考，昨暗剪輯影片剪到透早四點，