Hongtin Tsok-gia̍p bāng

4/6(日)~4/14(一)參加大甲媽祖遶境進香的心得：

    這个禮拜我去參加有「國際三大宗教盛事」的大甲媽祖遶境進香活動，誠感謝這規个禮拜的老師，會當予我請假去參加家己想欲做的代誌，嘛感謝同學幫我巡頭看尾，予我會當安心的去完成我的紀錄。     

    佇咧進香的過程，有誠濟人佇路邊咧發飲料、草仔粿、水果…等等的物件，這是欲予跟隨婆仔進香的隨香客、進香團會當有物件通食，

也是in敬奉媽祖婆的一種方式。佇庄跤所在，有足濟阿媽tshuân點心佇路邊，in講：「這是我ㄧ年來khiām的錢sai-khia，欲敬奉予kap婆仔做伙進香的人時--ê！」聽著遮的話，實在是足感心，有偌濟人會按呢替別人設想，驚別人佇進香的過程中會腹肚枵，準備遐爾仔濟的物件來奉獻，這是我看著臺灣人無私、虔誠的一面，嘛是我佇咧進香的過程中上感動的代誌。

    「這是一个人一生中攏應該愛參加一遍的活動!」這句話佇咧這九工八暝我聽了袂少擺。參加了後的確有感受著逐家對我講的話是真--ê。明年，咱再會!