close
期中考週爆炸啊！
上大學了後，頭一擺有頭殼欲爆炸的感覺！
所有的代誌攏結結做伙，欲佇一个禮拜內底完成，對身體、心理攏有真大的影響。
簡單來講，就是有夠忝！
有真濟考試共報告，愛讀冊，嘛愛攢資料共練習報告，有時陣擱欲上班。料想袂到，這禮拜公司拄好搪著一年一擺的週年慶，是上無閒的時期。拜六的時陣，規間店三層樓全部攏是人，行路攏愛用khueh的，實在有夠恐怖。結數的壓力又擱足大，若無細膩結毋對，是愛家己賠錢的，另外擱愛繳罰金一百箍，有夠嚴格的。拜六歸工佇咧做工課，拜日去台北共親情食飯。食到一頓好料的足歡喜，來回四點鐘的路程嘛算有價值啊。
這个禮拜予我了解時間分配的重要，會當做的代誌就先做，毋通拖到屎佇尻川才欲放。
這是我食過上好食的炒鱔魚------台北銀翼餐廳好食!
全站熱搜
留言列表
