close
這個禮拜因為無啥物代誌所以我tioh轉去厝內， chi̍t落車，阿母tioh khà-tiān-ōe互我，伊kap我講阿媽會使出院啊，叫我若是到林口，tioh直接去病院接阿媽出院，所以我chì落車了後tioh趕緊去病院。到病院啊，be̍h ka 阿媽辦出院ê時，阿母竟然bōe-kì 帶健保卡，阿母tioh叫我緊轉去厝提，所以我tioh轉厝去提啊!從下晡無閒到暗時，阿媽總算是轉到厝啊! 無閒一個下晡，雖然身軀非常疲勞，不過卻感覺家己真幸福。為啥物我會感覺家己真幸福leh，因為我有一個健康ê身體。tī病院內底，我看到足多ê病人，有ê倒tī病床，bōe振動，愛予別人照顧；有ê愛坐輪椅，去叨位攏愛有人鬥參仝，非常不方便。看到chiah-ê人我tioh感覺家己真幸福。有健康ê身體才會有美好的未來，所以我要ka逐家講，健康是咱上大ê財富，愛好好照顧家己。
全站熱搜
留言列表
