Hongtin Tsok-gia̍p bāng

二、鬼魔纏身

  
施海拼性命e5走，烏烏暗暗的世界假若只剩伊一人，四周圍也只有

伊大聲喘氣的回音摻著陰冷的風陪伴伊。

就算講如此，伊猶原假若後面有人咧追伊仝款，走甲跤軟啊手嘛是

提起來爬，一直想欲逃離這個所在，但是，這條路假若無盡頭，伊

已經走了30分鐘，煞一直予困佇遮……。

『阿海啊~~你走了忝啊honn?來啦!咱來休睏~~~』一個白白的面

熊熊出現佇咧伊的面頭前，美麗的面容沒一絲血色，茄仔色的喙

唇帶著笑容，看起來很蒼白。

 

『你!......你勿過來!!』施海驚一下強欲閃尿，倒佇土跤看這

個查某一直倚近來，伊著倒爬看伊一步一步追來。

『阿海啊!你為什麼欲匿我?我是胡麗啊，我是你尚愛的阿麗

啊……』胡麗摸上伊的面，冰涼的手指，傳達予人的毋是溫暖，

是驚hiang5。

  
『阿麗啊~~你!你、你已經死啊!咱是安怎會當作伙?』施海撥開

伊的手，眼神毋敢對上伊。

『阿海……』胡麗熊熊將伊抱住，沒血色的面磨著阿海已經滿是

冷汗的面。

  
『只要你佮我仝款就好啊…….』甜蜜的話充滿殺機……