『鬼啊!!!~~~』
一聲大叫，驚一下連厝攏剉一下。
劉平面色蒼白，目珠看向一片壁，甘若彼有物件仝款，雙腳已經跳起去彭椅頂頭，雙手緊緊佮彭椅的皮拉咧，一滴冷汗從眉角流到下頦。
劉平已經很久沒看到過〝好兄弟〞，煞沒想到，當伊目珠的黑輪好矣，一張開看到的是一張鬼面，驚伊一趒，險險死死昏昏去。鬼驚人，真是會驚死人。
毋過，伊對面的〝好兄弟〞甘若沒安呢想，一張鬼面閣想欲向伊貼來。好親像是想欲用嚇驚伊來消遣。
劉平，驚一下位椅子頂翻落來，這時，一個大力開門的聲音，伊的父母站佇兩邊，一個手提掃手，一個手舉菜刀，面色青青，閣咧喘大氣。
劉平斡頭一看到父母，感動到目屎強欲len3落來，閣看到爸母足趕緊欲將伊插起來，心肝頭才定落來，閣斡頭看，連一隻鬼影都沒。
『阿爸、阿母，我、我閣看到鬼矣啦!』劉平開口第一句話就講遮。
『阿平啊~，你毋是真久攏沒看見〝魔神仔〞?』伊老爸罩伊的跤脊骿問。
『我、我嘛毋知……，就雄雄看到矣……』劉平頭梨梨
『好啦!乖囝，你先麥緊張，來，予母仔看一下，好、好佳哉沒安怎，沒恁祖媽就佮伊人掠、厝拆、雞仔、鳥仔掠甲沒半隻。』劉母哪講哪晃菜刀
劉平感覺到週圍的陰氣甘若倒縮大半，躲到一角。
『是講……，你的玉觀音咧?』劉母目珠真金，一眼就看出伊什麼所在怪怪。
『這……，甘若進前扑無去矣……。』劉平頷頸縮著，目珠毋敢看伊老母。
『什!你阿媽千交代萬交代，千萬袂當扑無去，你、你實在是……』劉母一口氣強欲喘袂過來，劉爸趕緊來佮伊扶咧。
『我、我本來想講欲講，但是，看這幾天攏沒代誌啊，就想講反勢是騙人的，結果、結果……。』劉平哪講哪心虛。
『結果什貨?!結果就是愛恁祖媽來替你收屍啦!』劉母手一伸，對劉平的正耳就捘落去。
這聲唉叫比佗即(才)閣卡大聲，厝邊隔壁攏貫勢矣，耳洞挖挖咧，繼續做家己的代誌。
留言列表
