close
恬恬嘛...我恬恬嘛徛佇咧一片用鼻的就會當鼻得青-phiang3-phiang3的水田仔邊仔。
毋知是對當時開始，我就已經一个人恬恬嘛，徛佇咧逐工攏隆隆隆哮袂停的鐵枝路仔邊仔，有小可淡薄仔無聊，但是這種仔生活嘛是舒適仔舒適。
平常時，就看著形形色色的人、三三兩兩的人、怪模怪樣的人，佇我的腳邊出出入入來來去去，算人假那咧算羊仔咧，算甲真愛睏。
但是呢，最近感覺腹肚攏會欲消化不良的感覺，學生仔愈來愈濟，想想我逐工徛佇列這，嘛蓋無聊，算講嘛是替學校攬啊袂少的錢，無想到學校這呢啊凍酸，擱找一个人來甲我鬥腳手，消化消化，嘛無愛找人甲我做一个檢查猶是整理，予我拖著一个已經有年歲的身軀仔擱愛做這的拖命的代誌，艱苦甲欲死，真無良心。
最近，學校假那是有聽著我的心聲啊，慢慢的有在找一寡新人來甲我鬥參仝啊，逐个看起來攏勇甲若牛咧!看起來...嘛差不多是我愛退休的時仔...無一定等新人攏找好啊，我的命運就親像鐵枝仔路的彼邊的朋友仝款，但是按呢嗎輕鬆啦...
新人一个一个越來越懸，一直咧比懸，連我作伙大漢的鐵枝仔路嗎欲抽懸啊!這嘛已經毋是我的時代啊，時代總是會變化的，就期待少年的一輩會當恰有出脫的，將我的遺志繼續甲伊傳落去。
手路︰擬人、排比、感嘆。
毋知是對當時開始，我就已經一个人恬恬嘛，徛佇咧逐工攏隆隆隆哮袂停的鐵枝路仔邊仔，有小可淡薄仔無聊，但是這種仔生活嘛是舒適仔舒適。
平常時，就看著形形色色的人、三三兩兩的人、怪模怪樣的人，佇我的腳邊出出入入來來去去，算人假那咧算羊仔咧，算甲真愛睏。
但是呢，最近感覺腹肚攏會欲消化不良的感覺，學生仔愈來愈濟，想想我逐工徛佇列這，嘛蓋無聊，算講嘛是替學校攬啊袂少的錢，無想到學校這呢啊凍酸，擱找一个人來甲我鬥腳手，消化消化，嘛無愛找人甲我做一个檢查猶是整理，予我拖著一个已經有年歲的身軀仔擱愛做這的拖命的代誌，艱苦甲欲死，真無良心。
最近，學校假那是有聽著我的心聲啊，慢慢的有在找一寡新人來甲我鬥參仝啊，逐个看起來攏勇甲若牛咧!看起來...嘛差不多是我愛退休的時仔...無一定等新人攏找好啊，我的命運就親像鐵枝仔路的彼邊的朋友仝款，但是按呢嗎輕鬆啦...
新人一个一个越來越懸，一直咧比懸，連我作伙大漢的鐵枝仔路嗎欲抽懸啊!這嘛已經毋是我的時代啊，時代總是會變化的，就期待少年的一輩會當恰有出脫的，將我的遺志繼續甲伊傳落去。
手路︰擬人、排比、感嘆。
全站熱搜
留言列表
