Hongtin Tsok-gia̍p bāng

頭一天咱坐遊覽車到阿里山奮起湖，導覽員對咱解說遮阿里山ê特色，遠遠看這跡所在，遮是山中ê小聚落，親像世外桃源共款，毋過四界攏變成為著人客做生理ê便當店閣有起新ê厝，其中有古早味ê便當店上討我合意，頭家講ê腔口是無同ê台語，有嘴瀾講佮無嘴瀾，便當內底ê菜攏有遮ê所在文化，阿里山以早ê佛手瓜鬚(龍鬚菜)會當一斤抵一金，閣有足濟ê筍仔因為遮嘛有種竹仔，厝佮厝密密倚做伙ê街仔，看到人佮人互相ê生活，奮起湖車頭後濛慢慢仔大起來，無人ê時陣，恬恬體會著火車tī chia家己爬山，烏色ê煙佮白色ê霧kô纏，烏色ê火車拖著hinoki往山頂落來，火車佇我身軀邊衝過一陣HINOKI E香味嘛往身軀吹來，車頭人越來越濟，火車嘛早phàng-kiàn佇後濛內底，咱嘛欲離開遮a。

第二天我足早起，毋是欲去看日出，我沓沓仔行到山壁邊仔，白白ê天下腳，有雲伴佇山做伙，雲輕輕ê黏山壁中央，規片雲沉佇山佮山之間，雲親像海湧同款沓沓仔lè滾，我佇遮一直看到雲佮山蓋起來為止，續落來咱到玉山塔塔加遮，遮ê氣溫是8度有tām-koá小雨，咱遮ê外來客打開毋是遮色彩ê雨傘往山頂開始走馬看花，咱佇路上有尋到足濟ê在地特色，會當治療he龜ê果子毋過會予你永遠 閣喘a，閣有親像臭藥丸仔ê山羌屎，遮規路親像怹ê便所，四界攏是臭藥丸仔，最後咱到目的地，佇遮攏是草原敢若有兩三ê樹仔，咱底遮翕相紀錄，咱台文系捍衛新聞自由，毋知影按呢甘會當鬥參共著咱台灣ê新聞，希望會有人來注意咱宣示ê物件，落山ê時陣咱行佮去ê路無共款，遮ê所在土腳攏是蓋著紅紅E葉仔，規路看落去敢若是袂佮咱講さよならê紅地毯路，天佮霧作伙落著小雨，我坐佇車內底往咱進去ê所在看，霧開始越來越茫，我坐ê車嘛開始離開遮ê所在a。