Hongtin Tsok-gia̍p bāng

毋捌去過玉山，永遠毋知伊ê媠。若是毋去過ê人，對伊ê印象應該只有伊是咱台灣上高ê山，頂頭ê動物攏係pe消失ê品種，雖然阮可以看文章、雜誌、網路了解伊，但是beh 真正了解一ê人，一定愛用家己ê目、家己ê心去體會，感受伊，按呢才算真正了解。

雖然遮兩天一直落雨，袂當看著日出，實在真可惜，但是落雨天嘛有特別ê美感。咱ê頭一站是阿里山ê pùn-ki-ôo，阮毋座火車上山，係用家己ê雙腳爬山，遮ê空氣足清淨e，位兩千外公尺看下山腳心情嘛足快活，雲瀰漫圍繞佇山嶺ê身邊，遮種風景對定定滯佇市內ê囡仔係難得ê體驗。頂頭有一個火車站，行佇leh鐵支路，想起過去ê合厝裡人作伙行ê形影，心情有淡薄a感慨時間已經過足久了！隔一工阮來到玉山登山口，因為天氣ê關係，有一寡路毋通行，所以阮只有行一段毋蓋遠ê路，沿路攏有導覽員給阮紹介，看著足多ê花草、樹仔kap鳥仔，雖然真累，嘛感覺足滿足，玉山內底有足濟粗勇ê百年老樹，從細漢毋捌看過遮呢大欉ê樹木，沿路路草鋪滿楓樹ê紅色落葉，親像紅色地毯同款，目睛所看著攏係色彩鮮豔ê景色。

佇回程路上有淡薄ê悲傷，親像離開阿母ê身體邊同款，日後有機會一定e再來，希望會當看著不同款ê玉山，再會啦!真歡喜熟識你。