Hongtin Tsok-gia̍p bāng

透早，外面落tio̍h綿綿仔雨，吵人ê鬧鐘是chit chōa 旅行ê開始，佇去玉山進前，有看過一寡描寫玉山ê文章，所以真期待會當看著美麗ê風景，毋過，落雨天，土軟、路滑，為著安全，心內嘛係有擔心。

第一站，奮起湖，有南部九份老街ê名號，小小條ê路、賣伴手禮ê店、沿路ê喊賣、閣有貴蔘蔘ê便當和Q té-té ê ò-giô，一條路，有雨水ê味kap便當ê香味，有人kheh人ê不爽快kap老街路ê色彩和故事，行到奮起湖車站，向長長ê鐵支路看去，攏罩tī白白ê霧內底，無蓋懸ê溫度，ho人冷甲疲疲chhoah，大大吐一口氣，霧的程度嘛袂輸白茫茫的he一片霧，便當真燒真好食，尤其tī寒寒ê天氣。

欲去阿里山的過程，路看起來無蓋勇，彎過來彎過去，彎甲我頭gông gông，一落車，看到10度的溫度，有一寡冷嘛有一寡新奇，阿里山有真濟ê植物，不只是神木，一葉蘭嘛誠出名，雖然去的季節無法度看著伊本人，實在有可惜，毋過，頭一擺去阿里山，毋關係啥物，感覺真稀奇，雖然一路lóng leh落雨，感覺抑是真特別，是一種kap好天完全無同的感覺。

第二天爬玉山，天氣嘛是無好，一路濕koh寒，tī這款天氣，阮大家做一件hō͘人真感動ê代誌：反媒體壟斷！有真正關心kap不爽，經過這擺活動表達出來。玉山的景色真美麗，毋關是花草抑是山景，攏是我這擺的回憶，是人生經驗內底，特別、難忘ê旅行。