close
聖誕晚會
昨昏是一年一擺的聖誕舞會，身為工作人員的我，料想袂到竟然會有遐爾濟人來，真正使人感動。為着一暗，阮對九月開始準備。
經過三个月的開會、小組討論，會當看見舞會伊由無到有，一屑仔、一屑仔慢慢成形，就親像看家己的囡仔，對出世沓沓仔大漢。心中實在有足濟無法度用文字表達的感動，嘛予我對參加這擺舞會的準備，一點點攏無後悔。
佇準備的過程中，除了熟識誠濟朋友以外，另外嘛學習着上課袂教着的一寡經驗。雖然天氣是冷吱吱，毋過我的心內煞是燒滾滾，一點仔攏袂寒。
全站熱搜
留言列表
