close
「寒」總算是歇煞矣……！
若講著感受有二款，一款是厭氣，一款煞是感覺佳哉，厭氣開學矣，無通好倒佇眠床曝尻川，耍甲三更半暝自然睏，早頓和中晝頓摻摻做一頓食的生活就欲結束矣，會當做遮的代誌實在是真好命，毋過有時煞予我感覺傷荏懶。
佳哉啥？佳哉我有代誌做，有通好無閒矣，人總是愛有淡薄仔工課做，生活才過了較有目標，較袂感覺無聊，生活當中嘛會感覺較趣味。我這个人嘛真怪奇，愛耍閣愛做穡，老實講，佇歇睏𨑨迌的時間，若是會當徙一寡時間出來做一寡較有意義的代誌，按呢較袂感覺放假的時間清彩烏有去。
我感覺佇放假的時間內，耍的時間較濟做工課一寡仔是無要緊，毋過這馬已經開學矣，所以這時陣愛顛倒反矣，認真去過每一工較有影。
全站熱搜
留言列表
