close
最近，拄看了一个日本作家 有川 浩 (HIRO ARIKAWA) 寫的一本冊，冊名叫做― 阪急電車(はんきゅうでんしゃ)。這个作家寫的冊我攏真愛看，看伊的冊會予人輕鬆快樂的感覺，就親像英國人佇下晡時仔啉一杯細細杯的紅茶，抑是咖啡，食著小點心，幸福的氣味一層一層沓沓仔將我包起來，看伊的冊的我有講袂出來的輕鬆快樂。這是一本有足濟小故事組織起來的冊，遮的小故事攏是佇一台對寶塚站開到西宮北口站的電車頂的人所發生的故事。每一个小故事的主角，年歲攏無相仝，in對相仝的一件代誌有無仝看法佮感想。每一个故事的人，伊抑是 in 所講的話，所發生的代誌，攏會影響到下一个故事的人。這本書，毋管你是大人抑是囡仔，看了攏會有所感動，這是值得看的書，推薦逐家。
全站熱搜
留言列表
