生活週記-3 施雪兒－Hongtin Tsok-gia̍p bāng

Mar 30 Sat 2013 16:59
生活週記-3 施雪兒

3/24是采欣ê生日，我佮思穎為著欲替伊慶祝，阮今仔日一透早就走去台中火車站附近買大張ê卡片，阮雖然只有兩个人，毋閣，阮抑是希望會當有更較濟人予采欣祝福，畢竟這是伊滿二十歲ê生日，意義更加無仝，所以我佮思穎著佇咧火車站附近，四界找路人，請怹寫一寡祝福ê話佇咧卡片頂懸，雖然講十个人有三个人無願意寫，但是阮最後抑是感覺足歡喜的，因為竟然不知不覺當中，嘛有六十幾个人攏佇咧彼張卡片頂懸，寫祝采欣生日快樂，頭一擺按呢做，我感覺真正足趣味，因為每一个無熟似ê人攏真古錐，雖然毋捌采欣，抑是真心kah祝福ê話寫落去，台灣人真正足有人情味。