close
對頂禮拜五舊曆貳月貳十五暗時就開始行媽祖,佇咧大甲鎮瀾宮的時陣,廟的四界攏是人,有佇咧看鬧熱的,嘛有欲去拜拜的,實在是非常好耍.半暝時媽就出巡矣,我本來想講半暝走路會誠恐怖,但是沒想著一點仔攏袂,因為沿途攏會放炮仔佮歌曲,上予我歡喜的是沿途攏有好心的人會分物件予人吃,而且亻囚攏足熱情的喝：「緊來吃阿~真正非常好吃,而且攏免錢.」,其中印象上深的的是,有小漢囝仔提物件予阮吃,若是沒佮伊提,伊會哭甲歸面全目屎,若是有佮伊提,伊就會笑甲若親像一蕊花,實在是足古錐足得人疼.
我嘛有佮媽祖繡旗隊的姐姐、阿嬤亻因開講,亻因真正攏足虔誠,雖然腳攏腫佮親像豬腳, 亻因攏袂喝忝顛倒更加堅持落去,實在足偉大閣足予人誠感動,所以我參加的遶境團隊,提供免錢的明信片,予亻因會當寫轉去厝內, 亻因足濟人攏袂曉寫字,所以阮攏會幫忙寫,看到亻因提著明信片的笑容,彼个畫面足水!
佇咧行媽祖時,我深深感受著台灣人的人情味,像我一个人行的時陣,就會有無熟似的人來佮我開講,講一寡仔足趣味的代誌抑是經驗,予我學習足濟課本上學袂到的物件,行煞這擺,體會著台灣真正是一个人好、風景水、文化有涵養的寶島.
全站熱搜
留言列表
