close
這个禮拜是期中考，實在是予我足緊張，因為這擺行媽祖倒轉來了後，有誠濟代誌、報告愛處理，所以有小可袂赴共考試準備甲非常好勢，但是我嘛是有盡我的全心全力去讀，所以我想應該成績應該是袂傷歹看。
考試靠煞了後，我有揣幾寡仔影片來看，我感覺推理的福爾摩斯實在是足好看，一邊看一邊學習按怎思考、觀察，猶閣會當順紲訓練英文聽力，真正是摸蜊仔兼洗褲一兼二顧。猶閣有看到一个國片電影有演到戒嚴時期的台灣，彼當時學校刊的文章攏愛經過教官的思想檢查佮一九九零年野百合學運，學生佇咧中正紀念堂抗議的畫面，遮的畫面對這馬拄好佇咧學台灣史的我來講，心內誠有感覺，有感動嘛有悲傷，感動in對台灣民主的付出，悲傷毋知有偌幾佮我差不多年歲的大學生，為著民主犧牲家己青春的性命，所以阮愛好好珍惜這馬台灣會當自由表達、自由選舉種種看起來沒啥物的權利，因為遮的攏是用不知影偌濟鮮血換來的矣!
全站熱搜
留言列表
