close
前禮拜我揣了時間轉去厝，媽媽著揣我作伙陪伊去踅台北市的南門市場，遐是台北的一个室內市場，主要賣的是外省的食物菜色kah點心，逐擺過年前，我攏會陪媽媽去遐準備年菜，阮的親情攏足愛食有一間「徐家點心」的蜜汁火腿，舊年我甚至寄了一箱轉去南投外媽家予逐个阿姨紮轉去做年菜，想來嘛是真古錐，親像底咧團購按呢，這擺去主要是欲買暗時仔煮火鍋的材料，有一間的蛋餃是現做的真好食，弟弟足佮意，所以阮著買了幾盒欲予伊食，佇厝真正足歡喜的，會當kah媽媽開講，kah弟弟耍，陪爸爸飲茶，就是出來外口才會擱較珍惜家己佇厝內的時間。
全站熱搜
留言列表
