close
大甲媽才拄結束轉來學校無偌久，就去拄著期中考，前後兩禮拜真正是無閒到翻去，規个頭殼mooh咧燒，強欲昏去。才無佇學校九天爾爾，就累積真濟報告猶未做，逐工攏無法度佇十二點盡前倒佇眠床頂睏，實在是真痛苦。期中考了後，猶閣袂當真正放輕鬆去歇睏，閣有一個月愛準備大四的送舊活動。
前幾工上煩惱的問題其實是蹛的問題，無抽到宿舍就準拄好，閣佇外口揣一間房間蹛就好矣，猶毋閣就是揣無會使作伙蹛的人，就佇我拍算欲一个人睏一間房間就好的時陣，有聽著品怡嘛仝款佇咧揣作伙蹛的人，我就真歡喜緊去佮伊講，前前後後因為一寡意思上的小小誤解，兩三工後才佮品怡講好，這馬有確定蹛的所在，心情真正是輕鬆真濟。
全站熱搜
留言列表
