close
六月十二號，是今年的五日節，佇這工的前一个禮拜六我就先共阿母講我想欲先食粽，因為五日節彼工拄好是佇咧拜三，無連紲歇假袂當轉去厝裡過節。聽著我的話，我阿母就隨去買餡的材料，暗時就開始包粽，我嘛坐佇阿母的邊仔作伙包粽，差不多先包二十个來食，賰个就是五日節前一工才來包。
阮兜的粽的餡不止仔奇妙，因為內面的餡只有放肉、蝦米、香菇閣有豆干！我覺得阮兜囥豆干是真特別的，畢竟阮兜遐上濟的就是豆干。聽媽媽講以前阿媽佇包粽的時陣餡是比這馬閣加真濟種，有魷魚、栗仔、土豆……等等好食的餡，我干焦聽著喙瀾就直直流矣！只可惜這馬食不著阿媽包的粽矣。
全站熱搜
留言列表
