close
『食』在予人袂安心，最近新聞常常講著『毒澱粉』的事件，予人聽著就驚驚，真濟食物攏有問題，黑輪、豆花、芋圓、粉圓、肉圓、「布丁」遮等等的食物，予人感覺這馬食物件實在袂放心，前一陣仔，我才拄好共「泡芙」食入去腹肚，煞佇幾工後，看著真驚人的新聞，原來生理人用過期的原料做「泡芙」，害我驚著，心情無法度用文字來表達。
我感覺台灣的食物安全的檢驗無夠嚴格，才會發生這種危害消費者健康的代誌發生，共遮的食物食落去腹肚，會增加咱的致癌的風險，現在社會中有真濟加工食品，其實內面攏會添加化學藥品，就親像你去買一杯「包裝」過的飲料，放佇遐幾个月攏袂壞去，你感覺是啥物原因造成的，當然是內底有放一寡添加物，雖然放遮的添加物會使予人便利共食物囥較久，但是遮的添加物漸漸累積佇身體內會對咱人的健康有影響，這就是矛盾的所在，科技製造的技術越來越發達，但是煞無法度預測未來對人的影響有偌大。
有的生理人為著一寡利益，煞來犧牲消費者的健康安全，身為消費者的咱， 嘛愛較注意的，希望這的生理人會使較有職業的道德，予消費者會使安心過生活，「食」在安心。
全站熱搜
留言列表
