Hongtin Tsok-gia̍p bāng

　　這禮拜過甲誠精彩，禮拜一的時陣阮全班去行大甲媽。這實在是真特殊的經驗，我是頭一擺參加這種宗教活動，感覺真有興頭。才拄到元長就見識著炮仔的威力，若親像欲甲廟埕炸出一个大空，後來甚至閣看著超過六層樓懸的一大串炮仔，炮仔予我真驚惶，趕緊走敢若咧。然後我佮朋友做伙去搶硩轎金，閣去和報馬仔討紅線保平安，尾仔才知影紅線是求姻緣的，害我佮同學去予無熟似的阿伯唸講毋通遮爾細漢干焦想欲結婚，愛認真走揣人生的意義，阿伯仔真古錐。大甲媽實在真鬧熱，阮嘛行甲真歡喜。

    莎士比亞講過：「人生如戲。」感覺一世人攏應該演好伊ê腳色，然後感恩逐家欣賞，請工作人員幫你謝幕。不論你演怎樣歹看，仰是好看，攏愛表演到最後。         有一天我不小心來到彰化，發現遮車站真趣味，可當說明住遮ê人一定足有個性。所以離開彰化我就做一件我永遠不後悔ê代誌，就是一路*譙到台北，每到一站就去買車票，予快車沒位座，讓慢車可當快快出發。

              拜一阮khì行大甲媽。一望無際ê綠色田園、路邊ê小野花閣加上有著古早記憶ê三合院......美麗ê庄跤景緻予自細漢就住佇都市ê我大開眼界。
硩轎金、平安符、福祿符仔、報馬仔ê保平安紅線閣有大師加持過ê五行珠手環，遮ê是我行大甲媽ê紀念品。恭敬坦覆佇轎仔跤求平安、虔誠ê信眾所招待ê流水席猶有足長足長、用吊車吊起來ê炮仔，予我是過了精彩佮驚惶。

這禮拜ê春假，別人攏咧歇睏，我佮陳思涵煞為著錢咧認真拚命，阮佇紙風車台灣動物昆蟲創意展打工，雖然遮四工每日攏做了有夠忝的，毋過嘛因為按呢予我學著足濟物件。
頭一天，無啥物好講ê，感覺平順佮微微仔無聊，隔轉工阮竟然開始扮做甲蟲戰士，佇日頭赤炎炎ê天氣中，穿著厚厚ê衫，面嘛掩起來，實在是有夠燒熱。毋過這一切，干焦看著有小朋友古錐、天真ê笑容，就感覺一切攏足有意義ê。有一个小朋友看著我，就歡喜大聲ê講:「我有養過你。」我心肝內ê疲憊就馬上攏總無去了。這擺ê打工經驗實在是足珍貴ê回憶。

這个禮拜三，阮大部分的同學，攏有去行大甲媽。雖然天氣看起來無好，毋過無落雨，這應該是媽祖娘娘的保庇，伊可能驚阮沃著雨會感冒。阮沿路行，沿路看，看著足濟足濟誠心的教徒，攏雙手合掌，共心內袂當共別人講的秘密講予媽祖知影，想欲減輕家己的痛苦。沿路，嘛有足濟熱情的阿婆、阿姨，切西瓜、蓮霧予阮食，亦閣有準備真多飲料予阮止喙乾。這擺的大甲媽，予我看著台灣人的熱情，予我感覺著台灣真正是一个有足厚足厚人情味的好所在。這擺行大甲媽得到真多，有精神方面的，嘛有物質方面的，毋過。上重要的彼一項我竟然無提著，彼項就是報馬仔的紅線，雖然無提著，毋過這擺的大甲媽嘛是真好耍，希望明年閣會使去。

　　　五天心適ê春假已經結束ah！！這个拜一，我kah阮班ê同學做伙去行大甲媽，實在sī真hó耍。六點tō起來準備，但是kàu-uī ê 時陣，已經九點多。九點多開始it-ti̍t行it-ti̍t行，看到足濟人tuè 媽祖行，我mā看到靜宜大學ê台灣文學系做伙去行，有我高中ê同學，看到伊mā足歡喜！！

　　等到下午，總算行了今仔日路程，跤真正足疼，有夠忝！回到學校ê時陣已經暗時九點多，但是猶有散文課ê報告ài做，所以無閒到半暝。干焦行一天，tō遐爾辛苦，真正毋知影明年按怎行了全部ê路程。

    遮ê禮拜一全班攏去行大甲媽，我下早仔足早起來，天攏猶未光，因為有夠愛睏，決定洗一ê身軀，卡有精神!結果洗完我煞來過敏，閣足嚴重!好佳哉到雲林進前就好ah(我佇咧車上時，看大甲媽ê紀錄片看甲流目屎，實在足感動人ê!)

    阮這擺按雲林行到嘉義，聽起來足遠ê，真正行嘛確實遠遠遠!我ê跤攏破皮ah，猶毋過我嘛是堅持行完全部，無愛坐車，是欲考驗家己，嘛是為二年級在做準備!

咱台語系完成了班級歌唱比賽，得到第三名ê成績，咱唱客語版ê十八姑娘，