春假煞了後，阮全班欲去逐媽祖，透早就爬起來，所以我上車無外久就睏去矣！阮敢若是佇雲林落車，反正綴人行就著啦！信徒攏真熱情，一路上有足濟物件通食，免驚會枵著。行煞轉到厝已經真暗矣，隔轉工閣愛足早起來，想著就感覺真忝。一工的逐媽祖體驗，真濟人的腳攏會痠痛，毋過我完全無代誌，我想可能是我的腳的肉比阮班彼陣美女較濟的款，第一擺感覺腳雖然大支毋過嘛有好處。
客語老師知影阮拜一轉來足忝的，所以伊拜二早起無上課，伊予阮看一齣客語電影「春天愛唱歌」，真好看，使人真感動，親像我遐爾愛哭的人，衛生紙一定用足濟張，毋過我驚予人看著，所以我用手ńg拭，手ńg有一大片攏澹去。電影內面有一幕予我印象足深：「春天因為誤會伊的爸爸佮伊的老師有曖昧，所以對爸爸的態度無蓋好。有一工伊的爸爸足暗閣猶未轉去厝內，結果老師來揣伊，講伊的爸爸受傷去病院，彼時陣伊才知影爸爸有外重要。」咱平常時就愛珍惜家己所有的物件，毋通失去了後才咧後悔。
※注意事項：請交至少200字的台語文心得並請附證明相片至少1張。請連同相片，發表在【無名小站hongtintgb】頂頭。（這個心得可抵當週無名小站hongtintgb「週記」的作業1篇，週記本來就愛交200字以上，你無了著ooh。）
這禮拜去彰化芬園个「挑水古道」peh山、看五月雪，實在是真精彩呢！看著个風景是規樹頂、規土腳全權是足媠个五月雪！有真濟人共五月雪用鉛線穿做伙，變成一个頭插、手環……等等，另外嘛有人共花排成各種个圖佮字，每一个人排成个字攏毋同，有个人排成「I LOVE TAIWAN」，有个人排成「LUCKY」，有个人排成彼工个日期，閣有个排成某麼人愛某麼人，看著這呢濟、這呢趣味、這呢有創意个圖，我嘛想欲排一个和家己有關係个圖，來紀念這工心適个回憶！
這禮拜三，老師tshuā系上的大家做夥去行大甲媽，這擺的路線是我猶未行過矣。這是我第二遍行大甲媽啊！每一遍行大甲媽攏有無仝款的體會。行大甲媽予我誠心體悟著信仰的偉大，予我體會著人情的溫暖，人佮人之間無心機，互相信任，互相幫忙。所有看著的食物、水果佮飲料，逐項攏會使食，會使拿；忝啊有khǹg椅仔的人家厝攏會使歇喘一下；行bē振動啊閣有便車通坐，這種的感覺予人心裡足溫暖、足感動。明年的大甲媽有機會我一定閣欲去行！ <(￣︶￣)>
頂禮拜四是清明節，所以放假四工，毋過我拜一無課所以我等於是連續放假五工。放假ê逐工攏落雨嘛無法度去tshit-thô，所以逐工攏愛睏愛睏、無啥精神，真想欲一直就按呢放甲歇熱。
清明是一定愛去培墓e啦，阮逐年攏仝款：透早就出發、然後佇逐年攏會食ê彼間早頓店食早頓，食飽了後去邊仔ê7-11買四秀仔準備佇路上食。毋過！這擺有tsi̍t-kuá-á無仝，這擺落山了後阮全家（tsuân-ke）做伙去菜市仔，因為爸爸媽媽是南投人，所以in就tshuā阮去食肉圓、綠豆粉粿佮冬瓜茶，講到彼冬瓜茶實在真好啉，阮買兩大罐轉來台中，無幾工就啉完啊！有冬瓜ê味毋過袂甜，對爸爸媽媽in細漢時賣甲這陣ê冬瓜茶果然好啉，我這馬嘛是足想欲啉e啊……猶有肉圓嘛想欲閣來兩粒，哈哈哈。
