Hongtin Tsok-gia̍p bāng

頂禮拜上台語課心情有淡薄仔複雜，一方面歡喜，因為我ê報告擱再晚一禮拜，另外方面真袂爽，雖然家己作業毋照老師ê規矩做事不應該，但是開始聽伊講ê時，我實在想欲用keyboard摔落去，但是我袂當按呢做，就惦惦聽伊講話，後來想想ê就轉去改。這禮拜三暗時我去學校，想欲加入社團，因為大學到這馬攏無玩過啥物趣味ê社團，我就考慮藝術性ê社團。希望以後ê大學生活會當足自由kap歡樂。

昨昏頂晡發生大地動，彼時陣我拄欲出門，先聽著” 轟”一聲續落來天搖地動，

我驚甲規个人phi̍h-phi̍h-tshuah，連我飼ê大鳥鼠嘛驚甲哼哼叫，

        tsa̋ng發生ê地動實在是真恐怖。彼陣啊是下課時間阮攏佇教室歇睏，雄雄椅仔有搖ê感覺，原底掠準無按怎想袂到開始愈搖愈大力，咧欲予人驚死，這應該是我有記持以來感覺上恐怖ê地動；雖然921大地動搖閣較大，毋過我無啥物印象，可能是因為細漢而且睏真絡眠所以就無啥物感覺。

       中晝轉來宿舍發現壁有必痕，有ê所在因為必開所以白色ê油漆落佇塗跤，連我房間ê壁嘛有一點仔必痕；我想南投一定更加嚴重，希望in會使平平安安，也因為按呢會愈珍惜身邊ê人。

這禮拜停水的代誌拄發布的時陣我就開始煩惱，毋知欲按怎度過24小時攏無水通用的日常生活。我開始思考對一透早開始到暗使用偌濟水，該磬偌濟來用才夠。隔工，佇我處理完歉水的問題，安心的到學校上課了後，紲發生地動。地動搖甲真大的，新聞遂發布震央佇南投震度6.5，予我感覺真驚惶，一下課我馬上扣電話轉去厝內，乎佳哉攏無問題。毋過，我佇學校附近的租厝都無遮幸運，地動搖甲水管破去影響著電梯。因此這幾仝無水嘛無電梯通使用著真麻煩。

    頂禮拜六，我有去看國光劇團出演ê戲劇叫水袖與胭脂，伊是一齣正音戲，華語叫做”京劇”，講正經ê彼齣戲實在是有夠無聊，我感覺好看ê所在是佇演武打戲ê時陣，孫悟空大鬧天宮，ùi蟠桃園開始，鬧熱ê鼓聲tong tong tong猴王跳出來kap仙女打倒搶蟠桃來吃，雄雄koh有一隻猴王跳出來，我原本想講彼是伊ê分身，竟然毋是，彼是另外一个主演，佇戲中in兩ê為著主演猴王一直搶戲，最後團長才出來kap in兩ê拆開，後來頭家kap in 規個團hò͘出去拆團，續落來著是in勻勻仔團圓閣轉來彼個所在。

        今仔日上課時，我聽課聽到一半時，偷耍手機，因為我咧看模特兒媠噹噹ê相片，一時看咧太認真，所以老師就叫我，因為真正太認真，所以我雄雄去驚到，老師講：「上課愛認真，袂當分心。」，所以我較認真想一下，是按怎我會去耍手機，想來想去，我想到一ê足好ê理由，應該是我雄雄想欲分心一下，按呢我感覺較快活，雖然這ê理由真爛，毋過我已經想無啊！想來想去，應該是有方法去解決這ê問題，我感覺老師如果會當去學變臉，我應該以後上課攏會非常認真，老師真正是歹做啊！老師辛苦啦！

    頂禮拜六，因為林茂賢老師安排ê校外見習，我會當綴著聲五洲布袋戲團學習，去到豐原漆藝館時，馬上就穿布袋戲尪仔ê衫扮仙子，逐擺去遊樂園時，攏會想欲穿尪仔衫，佮囡仔耍，這擺總算是完成，雖然有ê囡仔足閉思，毋敢佮仙子翕相，我抑是主動牽起怹ê手，毋過布袋戲尪仔ê衫實在有夠重佮翕，徛佇遐一睏仔，衫就澹糊糊，抑毋過扮尪仔遊園真趣味，看著滿滿是ê幼稚園ê囡仔笑甲足歡喜，我嘛感覺非常滿足，看著王英峻老師遐爾仔用心推廣布袋戲，用無仝ê方式來推廣傳統藝術，加入現代流行ê元素，來吸引細漢囡仔ê注意，實在無簡單。