這禮拜我感覺天氣變化足大的，早起時仔到下晡時仔的日頭攏足大的親像熱天仝款，欲暗仔時天氣開始變寒，著親像冬天仝款，毋知影是天下的災難欲來矣，害我自從上禮拜就開始感冒，到這馬攏猶未好，直直流鼻水。這禮拜猶閣有一件足驚人的代誌，就是拜三的地動，一開始我掠做是外口咧施工，結果雄雄搖足大的，害我一時毋知欲走出去卡好抑是留佇咧教室卡好，我聽講中興大學因為地動下晡時就無上課了，好家在大家攏無代誌，我家也無代誌。我期待後禮拜的活動!
- Mar 28 Thu 2013 21:24
青春記事3-楊文菁
- Mar 28 Thu 2013 21:19
學習週記3-廖惠玉
這个禮拜我有聽王英峻老師ê演講，主題是咧講布袋戲，我其實無啥愛看布袋戲，想講攏是人佇後壁lāng e，有一款騙囡仔ê感覺。毋過老師ê演講是真趣味又閣真精采，聽kah我是感覺時間ná ē過hiah緊，閣想欲繼續聽落去。後擺若是有機會，我再好好a看一擺布袋戲！
昨日ê地動實在是真恐怖，我佮朋友下課了後想講欲眠一下煞雄雄地動，閣搖kah真大力、真久，我是驚kah欲死、規个軟跤，閣是朋友共我giú出去e，想tioh猶是感覺真恐怖。結果轉去厝裡看差一點仔昏去，規个壁pit ká按呢，規間厝干焦欲散去，袂使閣蹛阿！阮已經開始咧揣厝阿，希望會使揣tioh一間大家攏佮意e，緊搬出去！
- Mar 28 Thu 2013 20:13
學習週記-3曾耀慶
這个禮拜，咱系上有請王英峻老師來kap咱分享布袋戲。布袋戲有啥物好看，這是我對布袋戲的頭一个印象。毋過，經過英峻老師的紹介了後，我對布袋戲改觀啊!原來布袋戲，是遐爾趣味，看老師弄布袋戲，弄予大家笑微微，我著知影布袋戲為啥物會使傳承到這馬，因為伊的魅力猶閣佇咧!其實布袋戲只要有人看，伊就會使永遠搬落去。台語其實嘛仝款，只要有人講台語，台語就會永遠傳承落去。看著老師全心咧奮鬥布袋戲，我嗎想欲學伊的精神，繼續骨力打拼，予台語繼續傳承落去。
- Mar 28 Thu 2013 19:03
青春記事3 黃渝亭
我遮禮拜一暗時坐車去台北，因為我ê朋友心情毋好，所以我去甲她作伴，使她較歡喜一寡仔!ah毋過台北實在有夠寒ê，我卡厚ê衫仔褲攏收了了ah，又閣寒又閣咧落雨ê台北，我下暗猶閣洗冷水，我攏欲吼出來ah! 第二工佇咧淡水卻足熱ê!
拜二ê淡水攏無啥人，冷冷清清，佮我印象中ê淡水完全無仝!但是嘛袂䆀，毋免甲人kheh-sio，感覺就輕鬆!ah毋過，我ê錢無小心開過頭，無錢會當坐捷運!
- Mar 28 Thu 2013 16:54
學習週記3-吳旻萱
因為我有選一堂課叫台灣傳統戲曲(hì-khik)，所以頂禮拜阮足濟人就作伙去看京戲。一開始真正咧欲睏去，就無小心睏去了，但是後半場就足精采，嘛慢慢知影伊咧演啥，演員(ián-uân)實在足厲害，感覺足值得(tat-tit)。
連後是昨日(tsoh--jit)ê大地動，真正是驚死人！攏以為自己欲害矣，好家在無代誌，但是老師人足好ê，看到阮予地動驚到按呢就放阮轉去矣。
連後是昨日(tsoh--jit)ê大地動，真正是驚死人！攏以為自己欲害矣，好家在無代誌，但是老師人足好ê，看到阮予地動驚到按呢就放阮轉去矣。
- Mar 28 Thu 2013 16:45
青春記事3-羅士毅
前一段時間，舉行的世界棒球經典賽，中華隊予臺灣人留下很深的印象，表現真正是予人感動，雖然最後真可惜，沒機會打入四強的比賽。今馬佇臺灣的職業棒球，中華職棒已經開打矣，前幾場比賽，每一場攏真濟觀眾入場，已經很久無看著這款情形，其實只要球員家己保重，好好打球，毋通受著外在的誘惑，從以前開始，有真濟天分相當好的球員，因為受著一時的誘惑，見著錢，啥物攏毋管,最後受著法律的制裁，毋但無球打，擱愛遭受臺灣人的批評，希望以後佇臺灣，打假球會使完全消失，按呢，才會對得起球迷的一片真心。
- Mar 28 Thu 2013 11:30
青春記事3-王羿藺
這拜二聽著一个演講，是咧講關於志工ê故事，是一个袂予人愛睏ê演講，主講人來分享伊搪著ê故事，予阮帶來足多足多感動佮思考，一个人會當付出啥物予這列社會，佮伊ê能力無足大關係，尚重要ê係意願。
老實講，第一擺我會去做志工，是因為欲愛服務時數，毋是真正咧由心肝底付出，所以我無得到真正ê快樂，尾仔，我慢慢仔會使體會付出ê感覺，每一擺做志工ê時陣攏是快樂ê。看著佇影片中ê少年人，看著怹尾仔成為開始會使相信家己，佮努力付出ê人，攏是足予人感動ê代誌，我想，為別人付出ê時陣，家己嘛會得到足濟物件。
- Mar 28 Thu 2013 10:47
青春記事3-吳家瑜
Tsit-禮拜四欲歌唱比賽，我是伴奏的人，所以真緊張…。雖然我學鋼琴已經學真久矣，毋過表演、比賽的經驗實在真少，我足驚我會thut-tshe，害著逐家。
最近實在真無閒，逐个課程攏有足濟功課甲報告，和頂學期差真濟。雖然一開始真袂慣勢，後來慢慢調整，這馬袂感覺遐爾忝矣！
