前規工，我佮同學做伙去台中文創園區參與由王英峻老師所帶領ê聲五洲布袋戲劇團去舞台實習，我頭一擺去野台實習了後，遮知影一齣布袋戲欲完美ê演出，幕前幕後ê工作人員真正攏足辛苦。
目前分類：101-2生活週記 (450)
- Mar 12 Tue 2013 21:49
生活週記1-施雪兒
- Mar 12 Tue 2013 20:56
生活週記1-白惠嵐
這禮拜ê心情實在有夠毋歡喜，感覺家己過得太悠閒之外，mā感覺家己kah-ná無了一個確切ê目標，實在有點á難過。想tio̍h家己ê未來有點á堪憂，無希望浪費爸爸媽媽ê金錢、期待，kap in ê關心，所以我決定無tī-teh繼續難過了，決定tùi現在起好好á ê過每一工ê生活，努力去完成所有ê事， mài後悔就是siōng重要ê。我ê人生目標希望lóng ē-tàng實現，iáu有希望我ē-tàng趕快tshue7-tio̍h phah工tshiah是siōng重要ê！
大甲媽tio̍h ài行九天加油，希望ē-tàng夠真歡喜ê行完，而且行完了後家己koh ē-tàng有進步是koh-khah好啊。
- Mar 12 Tue 2013 20:54
生活週記1-(廖鈺欣)
- Mar 12 Tue 2013 14:56
生活週記1-王詩婷
才拄開始開學爾爾，我著已經感覺貧惰，無想欲去上課，實在是誠害，應該佮我歇寒攏踮佇厝無做啥物代誌有關係。這个學期攏是新ê課程，所以愛重新適應真正有夠麻煩，毋過這个學期有閒ê時間較濟，較有時間會使做家己想欲做ê代誌，猶閣佇咧考慮是毋是愛去揣工課，若無有閒ê時間嘛毋知欲創啥物。最近嘛咧無閒比賽，外口ê比賽才拄結束，學校內底ê比賽閣欲開始矣，後個月閣愛佮媽祖去踩街，希望彼个時陣我有體力會使共九天攏行了，按呢才有一百分。
- Mar 12 Tue 2013 14:55
生活週記1-陳思穎
開學了後毋過幾工,我感覺過了誠輕鬆矣!無報告,無作業,嘛無壓力,所以我著佮我一寡朋友去看影片,這咧影片是一咧鬼仔片,其實我畏看鬼仔片,抑毋過哪是佮一寡朋友作伙去看,我著袂遐邇驚!這部影片從起頭ê時陣就有夠恐怖,彼个時陣,我才知影這咧影片根本是一部血腥片,有一寡片段我根本著毋敢看,整部影片看起來予我驚到破膽,不知影是毋是尚過緊張ê關係,佇影片結束了後,我煞發現我ê手機仔無去矣,佇彼个時陣,我誠緊張矣,我趕快回到電影院去揣,好佳哉有揣到,與我放下心中ê一咧石頭!
- Mar 12 Tue 2013 09:09
生活週記1-陳昱君
最近，拄看了一个日本作家 有川 浩 (HIRO ARIKAWA) 寫的一本冊，冊名叫做― 阪急電車(はんきゅうでんしゃ)。這个作家寫的冊我攏真愛看，看伊的冊會予人輕鬆快樂的感覺，就親像英國人佇下晡時仔啉一杯細細杯的紅茶，抑是咖啡，食著小點心，幸福的氣味一層一層沓沓仔將我包起來，看伊的冊的我有講袂出來的輕鬆快樂。這是一本有足濟小故事組織起來的冊，遮的小故事攏是佇一台對寶塚站開到西宮北口站的電車頂的人所發生的故事。每一个小故事的主角，年歲攏無相仝，in對相仝的一件代誌有無仝看法佮感想。每一个故事的人，伊抑是 in 所講的話，所發生的代誌，攏會影響到下一个故事的人。這本書，毋管你是大人抑是囡仔，看了攏會有所感動，這是值得看的書，推薦逐家。
- Mar 11 Mon 2013 00:30
生活週記1-(邱冠中)
「寒」總算是歇煞矣……！
若講著感受有二款，一款是厭氣，一款煞是感覺佳哉，厭氣開學矣，無通好倒佇眠床曝尻川，耍甲三更半暝自然睏，早頓和中晝頓摻摻做一頓食的生活就欲結束矣，會當做遮的代誌實在是真好命，毋過有時煞予我感覺傷荏懶。
- Mar 10 Sun 2013 14:59
生活週記1-盧思綺
快樂的時間總是過了特別緊，譬喻講：歇寒期間。
這個歇寒，我毋去打工，因為想講歇寒真短，賺袂著啥物錢，而且應該無人欲請遮爾短期的員工，所以算是一個真輕鬆的歇寒，有交厝內的人出去耍，這算是我這咧歇寒較寶貴的記憶。
- Mar 10 Sun 2013 13:44
生活週記1-徐文姿
頂禮拜，我佇宿舍共衫洗好，準備共衫欲掞落去脫水幾內底洗，共衫ê水用khah乾--ê，按呢曝衫ê時khah緊乾，都佇我ê衫攏khǹg好勢，蓋嘛攏嵌起來，開關捘落去... 欸?袂震動....電無插好?我看插座，插頭有插好，奇怪...為啥物袂振動?結果斡頭一看邊仔有一張告示，內底寫:23點~06點是我歇睏ê時間喔~
.........啥物阿!!!!!!閣有予人斷電這種ê!!!!!洗就久khah 共衫洗好，這聲明仔載閣愛洗一擺阿....心情歸—ê鬱卒，轉去房間了後，才知影全部ê學姊攏知影這件代誌，雄雄感覺家己就好笑。
