Hongtin Tsok-gia̍p bāng

Chit-ê連續ê假日，阿爸kap阿母猶有我ê siōng小ê小妹做夥來台中sńg，因為咱全家決定作夥來台中我ê租厝ê所在tòa，順續來台中sńg，所以我必須beh負責全家會當作夥sńg ê所在，第一工我帶阿爸阿母先去咱大慶街真有名ê「謝記醬拌飯」食中餐，阿爸kap阿母lóng誇讚chit-ê中餐真好食，hō͘我真有信心beh帶in去真chē台中chiah有ê所在和美食kap人文猶有風景，第二工我帶全家去一中街食飯kap se̍h街路，雖然se̍h街路是咱少年人才會歡喜ê，毋過阿爸kap阿母mā真歡喜chit-ê所在，因為我帶in是去食一中街裡面ê好料，所以真符合阿爸ê喜好，阿母mā對咱真好，問咱想beh買什麼物件，阿母全部lóng買hō͘咱，實在真感謝阿母ê好，第三工我帶阿爸阿母行行看看，無什麼目的ê行行看看，siōng主要ê就是帶in去真有特色ê餐廳食飯，因為真有氣氛阿爸阿母mā講真好食，到最後一工阿爸阿母kap小妹lóng-boeh轉去高雄，實在真無想beh ài in轉去，所以這hō͘我體會全家做夥ê時間是真寶貴，beh珍惜。