close
大甲媽對頂禮拜五開始出巡，總共有九工，咱系每年攏愛去綴咧行，一年仔是行一工，二年仔愛行九工，咱班是禮拜一去行大甲媽，對我來講是一个特別ê經驗，毋過實在是足忝，雖然真忝，嘛是有真濟人來參加，因為逐家攏對這个文化真慎重kap重視，嘛相信會當得著媽祖ê保庇。
彼工，人真正有夠濟，我頭一遍拄著連行路攏會塞車，為啥物我會按呢講呢？因為我佮同學欲行過一座橋ê時陣，傷濟人根本行袂過去，阮佇彼差不多慢別人三十分才到食中晝飯ê所在，到位ê時陣，飯攏無矣，毋過好佳哉沿路攏有人提供食ê物件，予我感受著逐家ê熱情。這擺大甲媽ê體驗印象真深，明年著愛行九工矣，一定會真忝，毋過愛相信家己袂使，加油！
全站熱搜
留言列表
