close
拜四透早阮就坐火車去彰化校外教學，到了彰化火車頭才發現毋知按怎去戲曲館，拄好拄著學妹佮阮講按怎搭公車，到了現場才發現阮去的是文化局毋是戲曲館，加哉服務台的阿姨人真好幫阮指路佮叫計程車。到了戲曲館，發現伊的建築物、環境攏真媠。展示廳內底有真濟珍貴的文物，毋過阮家己踅一輾抑是無了解，所以阮請導覽義工替阮講解，義工阿伯講真濟頂面無的物件，包括彰化的古地名有磺溪佮半線，蹛半線的攏是平埔族的原住民較濟，所以磺溪比較會當代表彰化。參觀南北管的收穫真濟，馬真感謝義工阿伯詳細的講解，阮閣置轉去的時，食有名的肉圓，這擺的校外教學實在是真好耍。
全站熱搜
留言列表
