close
快速ê步調 若親像是咧看錄影帶
卻無細膩揤(tshih)到快速鍵 揣無遙控器
看起來敢若有終點 閣敢若無
明明是處佇仝款ê時空 但怎樣對我按呢無情
攏無交集 嘛無交流 攏是單獨ê個體
冷冰冰ê行過 只留落來半打(tánn) ê寂寞
分予 啥人呢？
予佇舞台頂表演ê遐的人
予佇台下熱情支持ê 遐的人
也是予因為好奇 停落來觀賞ê學生呢？
予堆積啦 只要堆佇無人看見ê所在就好
暗時會自動來蒐集寂寞 代價是冷冷ê寧靜降臨
直到日頭重新升起 慢慢蒸發、消失，看袂著
新ê一工閣再開始
佇這片土地上ê 遐的(hia-ê)人 開始今仔日ê簡單生活
不仿為規个世界 按落慢速鍵 步調重新調整
慢慢仔過其實嘛袂䆀
全站熱搜
留言列表
