kah阿母講話
算算挒，出來外靠讀冊嘛已經有一冬uā阿，自從離開厝裡底了後，就真少扣電話轉去，時常就愛阿姐番附喀ē記得扣電話。所以阿母tiànn tiànn咧怨嘆講：「汝厚，出去就干哪phàng見哩，阿是bē khah電話轉來關心lin老bú是某？汝馬卡主動勒！阿汝蝦咪時陣be轉來？厝裡攏空空呢，有淡薄bôo慣習汝甘哉！」其實我攏知恙，阿母伊其實希望伊e因仔會當有閑就轉來看看勒，轉來食飯嘛好，哪bôo，心裡我可能底想加減ē甘尬kang虛吧。
其實，外靠駐慣習，哪欲轉去，有當時阿就愛tshē理由。Siōng濟ê情形是無錢，擱來是想厝。第一ê情形逐家攏ū,但是第jī ê狀況對tsit ê男性來講，這勒理由講出來可能ê真見笑。以我來講，現在ê年紀已經會使獨立阿，我希望家己會當靠家己生活、趁錢，m̄免予識大人操煩，所以一切就家己處理，盡量mái予人知恙；但是勒，tn̂g時間在外，難免ē想厝，所以心裡就一直勒交戰：到底是欲轉去某？
映象中，我底厝siong愛甲阿母講話，顛倒甲阿嬤、爸爸對tâng ê時間無講蓋tsuē。自細漢，因為受到教育影響，我卡tiānn用華語甲厝裡ê人講話，干哪甲阿嬤講話ê時會用tiōh台語，jî-tshiann kong bē 輪轉。雖然我是用華語來講，但是阿母會用台語來回答；台語我聽ū,可能是無形中受到阿母ê影響；今嘛想起來，我細漢kah阿母講話ê情形，就感覺真心適。
大漢了後，ba̍k ê 代誌lu濟煞m̄哉欲kah阿母講啥，tsit括心裡ê秘密m̄感予阿母知，只好藏tī心裡底。但是，我卻實就愛涵伊講話ê，雖然不知恙beh講啥。阿母ê台語講了蓋好，真正是我學習ê對象，我講台語ê愈來愈進步有tsit半ē原因是阿母ê關係。每tsi̍t拜kah阿母講台語，我就感覺就歡喜ê，因為會當訓練家己ê台語閣會當kah阿母bong開槓劃虎爛，事實上，講台語對我來講是tsi̍t種hiáng-siū；嘛是tsi̍t種歸屬感。
現在可能大部分ê孝年人轉去厝裡攏m̄哉欲講啥，這我是感覺咱每tsi̍t ê人攏ū ê感受。但是，就是因為m̄哉恙欲講啥密，咱更應該愛學習按tsuánn than pē-bú對談。m̄管汝是用什密語言，siōng重要ê是愛phah開心裡底ê門，去迎接汝所愛ê人。Tsē真歹o̍h但是真要緊，希望逐家轉去厝ê時，攏ū kám-siū kah huann-hí！
Tân Kiàn-hông
留言列表
