Hongtin Tsok-gia̍p bāng

彼工   阮去台南

    4/5彼工下晡，大家約好tī台南車頭見面，beh做伙去聽李臨秋百年紀念音樂會，阮遮個人有我、阿文、小花、小金、軒、小波還有包子，對火車站行到台灣文學館足近ē,大家擱tī文學館頭前翕相，聽了音樂會再去小花in兜過暝，隔轉工再轉去台中。

    李臨秋老師ê紀念音樂會，主持人竟然是國禎老師，乎阮足意外，來參加音樂會ê lóng是歐吉桑、歐巴桑，少年人真少，演唱ê人真用心beh表達李臨秋老師想beh表達ê意境，表達台灣人ê心聲，尤其是郭金發老師演唱「燒肉粽」ê時陣，大家lóng tóe伊，真予人感動。

    聽了音樂會已經真暗á,小花伊媽媽開車來kà阮載，到小花in兜了後，小花媽媽閣真熱情ê招待阮吃宵夜，米糕、魚丸湯kā四神湯lóng真好食，食了大家輪流洗身軀，阮睏ê是地板鋪棉被，m̄-kò小金頭殼歹去，硬beh看電影，咱只好phah牌陪伊，等到4點大家遮睏。

    早起小花tāi先起床，我起床了後小花媽媽koh真熱情ê先泡熱可可hò我喝，等káu tih-beh 11點大家lóng起床小花媽媽閣請阮食早點，但是12點又閣買碗粿肉羹湯hò阮食中晝頓，實在真感謝小花媽媽，阮tòa無一工hō請許濟頓，真歹勢。

    後來小花媽媽載阮去坐車，沿途介紹台南ê特色hò阮，閣講後擺來台南閣會使去in兜chhit-thô。

    轉去台中一路上有放電影，竟然是阮半暝the看ê彼部，大家煞憨去，早知影tio̍h mài看á,氣死有影，tio̍h按呢阮平安轉去台中，結束阮二工一暝ê台南之旅。tī這再次感謝小花kā小花媽媽lá !!!