《第一章》
「起床啊！士濱！大人大種啊，擱合囝仔仝款，毋起床都袂赴上班啊啦！」
陳愛芳中氣十足的的對樓梯頭大聲喝去。若喝，手嘛無停的準備桌仔頂的早頓。
自從伊佮前翁離緣了後，家在孤囝士濱毋甘看怹阿母從來無出外過，無工作經驗佇今嘛社會歹生存，
因此共陳愛芳接過來做伙住，照顧伊。
算來，離婚應該是伊一生中第一个家己做的決定，
嘆一口氣，若毋是士濱的爸爸太過深情，無的確伊今嘛著未遐呢歹勢心煩。
算來，伊真正對張正宏不起，自鬥陣佮結婚，攏是正宏一頭熱塊安排，伊早就對感情無想法矣。
等到士濱出世，為著予伊一个完整的家庭，伊忍耐著，一直到士濱二十歲，
陳愛芳決定著是這個時陣放家己自由，想到遮，陳愛芳的目框又擱紅起來。
「母啊！毋是摻你講過，你今嘛是自由身，勿擱替我操煩矣！」
張士濱一面歹性底的共陳愛芳講，一雙手紲已經提起碗箸，開始大喙扒矣。
「食較慢下！無人佮你搶。」
做母啊的心情kiann有做過矣才會知，愛囝的心是逐个母啊尚有自信的物件。
「未赴啊！tsang 昏和以芳冤家，害我無閒規暗，今仔透早有會愛開，是我主持的，我愛緊提資料過公司啦！」
「人以芳是乖巧的查某囡仔，你擱做毋對啥乜代誌啊……」
陳愛芳擱佇仔想欲問冤家的原因結果，斡頭已經看無怹後生的影矣！
＝＝＝＝＝＝
「爸！我欲先去上班啊，早頓愛會記得食喔。」
扭掠的共圍su̍t裙thǹg luài，吳以芳包仔phāinn ē著欲出門，門一扑開著看著黃玉卿當欲挵門。
「媽！你緊去叫爸落來食早頓，我按nua 叫伊都是無tshap ，我共士濱冤家是阮兩人的代誌，伊是塊替士濱不滿啥，遮愛伊無規氣換伊去結婚好矣！」
吳以芳一看著母啊，著開始委屈規腹。
「我著是尚過寵你，你才會按呢毋知影惜福。」
吳瑞濱的聲音扑斷吳以芳的話。
「我無愛擱共你冤啊！我欲去上班啊！媽！再見」
斡頭對老爸使一個鬼臉，吳以芳親像贏矣同款，歡喜的腳步講出伊的心情。
「毋知伊是種著siâng，脾氣真奇怪。」
吳瑞濱看向黃玉卿。
「你較差不多下！我今嘛是無必要聽你棄嫌我喔！」
黃玉卿不滿gîng轉去。
翁某做欲四十年，雖然今嘛已經無彼張紙字證明，但是情分猶原在，
怹攏滿意今嘛的角色，是尚了解彼此的好朋友，三年前的決定今嘛也是袂改變，
睏厝邊總是比睏枕頭邊自在。
「入來做伙食吧！」
吳瑞濱行入門共黃玉卿講著。
留言列表
