close
題目:大國民之聲
這齣戲內底佇講1945年日本戰敗了後，佇台灣的小林先生故意隱瞞這个消息，騙in ê兵仔佇一个所在有金仔，所以叫in去挖；有一工，拄著一陣戲班女子來山中tshit迌，煞揣無路轉去，一開始拄著阿兵哥ê時真驚惶，佮in熟識了後，著佮in鬥陣做伙，結果逐ê攏有佮意ê對象，最後小林先生無小心予銃射著死去ah，遮ê兵仔佮戲班女子攏真傷心，這時天降落一片一片ê菅芒花，戲著佇遮慢慢á結束。
這齣劇情描寫著小人物ê生活情形，不管是日本人抑是台灣人，攏是為著in ê生活去拍拚，會使看出in無奈ê一面，若是會當選擇，in mā毋愛做礦工佮戲班，劇情安排予in熟識，應該是欲表達出對方會使體會著這種下層階級ê痛苦，予互相有一个倚靠，mā予觀眾知影下層人民ê世界是按怎，劇中「菅芒花」ê出現，不只是代表媠爾爾，因為「菅芒花」ê台語親像中文ê「光芒」，意思是看著希望。
戲演出結束了後，老師繼續予阮看戲ê幕後情形，這是佇2010年才開始拍ê片，會使看著導演共in解說、演員練習唸台語佮日語、各別演練動作、做伙排演以及戲ê上大特色，著是歌ê合唱，佇戲中每一幕攏有合唱的所在，而且不只一條，歌ê內容有ê真趣味，有ê是紓情；真正是每一个方面攏愛開足濟時間，逐ê攏是真心為著這齣戲teh拍拚，當中ê酸甜苦hiam自然是毋免講，這齣大約2點鐘ê戲，相信一定是攏足成功，無半分搖掣，所以每一个看過ê人，應該攏愛共in拍噗仔，若毋看過ê人，也推薦予你知。
全站熱搜
留言列表
