close
佇我看完”大國民進行曲”這齣舞台劇了後，互我感覺著這齣戲是非常特別也非常趣味，伊特別的所在是結合歌仔戲的唱調以及曲調配上新創作的歌詞，也乎上過歌仔戲課程的我感覺著非常的熟識；乎我感覺趣味的所在是，伊整體的舞台燈光效果，也擱有伊的舞台背景，攏是互我感覺著非常的心適，尤其是伊舞台頂懸會轉來轉去的背景是我從來毋看過的。
伊故事一開始的時陣，就是在描寫二次世界大戰了後，咱台灣本島的情形，也是我家己感覺伊這齣戲欲傳達互觀眾的就是，咱台灣人家己的身分認同問題，到底咱是台灣人抑是日本人？戲中的劇情也間接的傳達互咱現代人對台灣這片土地的認同感，這齣戲互人想欲一看再看，無論是伊舞台的背景抑是燈光效果，或者是伊引起共鳴的劇情內容也好，攏是互我想欲看了擱在看的理由，因為這齣戲演了非常的成功，也互我想欲介紹khah-chē的人來看這齣好戲！
全站熱搜
留言列表
